Jalgaon News: फळ पीकविमा योजनेतून केळी पिकासंबंधी २०२५-२६ च्या हंगामात जळगाव जिल्ह्यातील विमा संरक्षण घेतलेल्या क्षेत्राची पीक पडताळणी (जिओ टॅगिंग) सुरू आहे. यासंबंधी भारतीय कृषी विमा कंपनीसह कृषी विभागाच्या अधिकाऱ्यांनी जिल्ह्यात विविध भागांत पाहणी केली आहे. .काही दिवसांपूर्वी जिल्ह्यातील विविध गावांत विमा संरक्षित केळी पिकाची कृषी विभागाच्या वरिष्ठ कार्यालयाने तीन पथके तयार करून पडताळणी केली. यानंतर विमा कंपनीच्या मुंबई येथील वरिष्ठ कार्यालयाच्या सूचनेनुसार कार्यवाही सुरू आहे..Crop Insurance Compensation: खरीप विमा भरपाई जानेवारीतच मिळणार.जिल्ह्यात केळी पिकासंबंधीची पडताळणी कृषी विभागासह विमा कंपनीचे अधिकारी नोव्हेंबरपासून करीत आहेत. विमा कंपनीचे प्रतिनिधी व कृषी विभागाचे स्थानिक अधिकारी यांच्या पाहणीनंतर संबंधित क्षेत्रात जाऊन वरिष्ठ अधिकारी पुन्हा केळी पीक लागवड व अन्य बाबींची खात्री करून घेणार आहेत..Rabi Crop Insurance: रब्बी पीकविमा योजनेत एक लाख १५ हजार अर्ज दाखल.जिल्ह्यात २०२४-२५ च्या हंगामात सुमारे ७२ हजार शेतकऱ्यांनी ७७ हजार हेक्टर केळी पिकासंबंधी विमा संरक्षण घेतले होते. तर यंदा २०२५-२६ मध्ये विमा संरक्षित क्षेत्रात वाढ दिसत असल्याने ही पाहणी गतीने सुरू आहे. तसेच कसून चौकशी, पडताळणी सुरू आहे. कारण जिल्ह्यातील केळीची लागवड सुमारे ७० ते ७२ हजार हेक्टरवर आहे. केळीसाठी हंगामात एक लाख तीन हजार हेक्टरवरील केळी पिकासाठी ९९ हजारांवर शेतकऱ्यांनी विमा संरक्षण घेतले आहे..विमा संरक्षित क्षेत्र अधिक आणि संशयास्पदपूर्वीची लागवड दोन्ही हंगामांत मिळून ५५ ते ५८ हजार हेक्टरवर केली जात होती. परंतु केळीला आता रोजगार हमी योजनेत घेतले आहे. तसेच दरही बऱ्यापैकी आहेत. जलसाठेही मुबलक आहेत. ड्रीप इरिगेशन वाढले आहे. केळीची जातिवंत रोपे, वाण आले आहेत. यामुळे लागवड जिल्ह्यात ७० ते ७२ हजार हेक्टरवर पोहोचली आहे. पण केळीच्या विमा क्षेत्रातही मोठी वाढ दिसत असून, ही वाढ संशयास्पद आहे, असे जाणकार, कृषी विभागातील मंडळींचे म्हणणे आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
