Jalgaon News: फळ पीकविमा योजनेत २०२५-२६ च्या हंगामात सहभागी झालेल्या केळी विमाधारकांच्या केळी पिकाची पडताळणी कृषी विभागाकडून सॅटेलाइट यंत्रणेच्या ‘एमआरसॅक’ तंत्राच्या मदतीने सुरू आहे. यात रावेर, चोपडा, यावल, मुक्ताईनगर भागात अनागोंदी आढळून आली आहे..सध्या या परिसरात कृषी विभागाकडून केळीची लागवड व अन्य बाबींची पाहणी सुरू आहे. त्यासाठी संबंधित गावांचे शिवार नकाशे, सातबारा, खाते क्रमांक यांचा आधार घेऊन पडताळणी व जुळवणी केली जात आहे. या पडताळणीत केळीची लागवड नसताना विमा योजनेत सहभाग घेणे, केळीची लागवड कमी असताना लागवड क्षेत्रापेक्षा अधिकचे विमा संरक्षण दाखविणे, असे प्रकार दिसून आले आहेत..Banana Crop Insurance: तेल्हारा तालुक्यातील केळी उत्पादकांना पीकविम्याची प्रतीक्षा .जळगाव जिल्ह्यात सुमारे ७५ ते ८१ हजार हेक्टरवर केळीची लागवड झाली आहे. पण २०२५-२६ च्या हंगामात १ लाख ३ हजार हेक्टर क्षेत्रासाठी विमा संरक्षण घेण्यात आले आहे. सुमारे लाखभर शेतकरी या योजनेत सहभागी झाले आहेत..यंदा काही भागांतील काही शेतकऱ्यांचा सहभाग शंकास्पद असल्याची चिंता विमा कंपनी व कृषी विभागाच्या वरिष्ठांनी व्यक्त केली होती. यानंतर केळी पीक पडताळणीला गती आली. ही कार्यवाही पुढील काही दिवसांत पूर्ण केली जाईल. यानंतर थेट प्रक्षेत्र पाहणीदेखील होईल, असे कृषी विभागाने स्पष्ट केले आहे..Banana Crop Insurance: केळीचे जिओ टॅगींग न केल्यास विमा योजनेतील सहभाग रद्द.‘एमआरसॅक’च्या मदतीने केळीची लागवड किती आहे, कुठे लागवड कमी आहे, कुठे लागवड अधिक आहे, या बाबी निश्चित केल्या जातील. त्यानंतर कारवाईसत्र राबविण्याचा निर्णय घेतला जाईल. केळी लागवड करणाऱ्या प्रामाणिक शेतकऱ्यांवर कोणताही अन्याय होणार नाही, याचीदेखील खातरजमा या तंत्रज्ञानाच्या मदतीने केली जात असल्याचे कृषी विभागाने सांगितले..योजनेतील सहभाग वाढलाया योजनेत २०२४-२५ मध्ये ७२ हजार शेतकऱ्यांनी ७७ हजार हेक्टरवरील केळी पिकासाठी विमा संरक्षण घेतले होते. तर २०२३-२४ मध्ये सुमारे ५२ हजार शेतकऱ्यांनी ५८ हजार हेक्टरवरील केळी पिकासाठी विमा संरक्षण घेतले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
