Fertilizer Regulation: सिंधुदुर्गनगरी जिल्ह्यातील उभादांडा वरचेमाड (ता.वेंगुर्ला) येथे विनापरवाना सेंद्रिय खताची वाहतूक करणाऱ्या वाहनावर कृषी विभागाच्या भरारी पथकाने कारवाई केली. पथकाने १९ हजार ५०० रुपये किंमतीचे १५०० किलो खतसाठा जप्त केला असून चालकावर गुन्हा दाखल केला आहे..सिंधुदुर्गात विनापरवाना आणि बोगस खत विक्रीवर आळा घालण्यात यावा अशी मागणी गेल्या काही वर्षांपासून जिल्ह्यातील शेतकऱ्यांमधून सुरू होती. अलीकडे कृषी विभागाने या विषयावर अधिक ताकदीने काम करणार असल्याचे जाहीर करीत तालुकानिहाय भरारी पथके स्थापित केली आहेत. खरीप हंगामात शेतकऱ्यांना गुणवत्तापूर्ण खते मिळावीत याकरिता खरीप हंगाम आढावा सभेत देखील चर्चा झाली होती. .Agriculture Department Inspection: निविष्ठा विक्रीतील गैरप्रकारांवर अंकुश?.दरम्यान, वेंगुर्ला भरारी पथकाचे प्रमुख तथा तालुका कृषी अधिकारी प्रकाश मोहिते यांना विनापरवाना खत वाहतुकीची माहिती मिळाल्यानतंर त्यांनी उभादांडा वरचेमाड येथे पाळत ठेवली.जिल्हा गुणवत्ता नियंत्रण निरीक्षक सुशांत भोसले, सहायक कृषी अधिकारी जीवन परब, कृषी सेवक ज्ञानेश्वर सोनटक्के, पोलिस हवालदार योगेश सरफरदार, .Fertilizer Linking Ban: खतांच्या 'लिंकिंग'ला तत्काळ प्रभावानं मनाई, राज्य सरकारचा मोठा निर्णय .अनुप नार्वेकर, योगेश राऊळ यांना वेंगुर्ले शिरोडा मार्गावर एक ट्रक थांबलेला दिसून आला. ट्रकचालक मारुती शिवाजी कदम (वय-४१)(रा.तेलीवाडी,लांजा,जि.रत्नागिरी) यांच्याकडे पथकाने चौकशी केली असता ट्रकमध्ये सेंद्रिय खत असल्याचे सांगितले..चालकाकडे खत वाहतुकीचा कोणताही परवाना आढळून आला नाही. याशिवाय खताविषयी माहिती देण्यास त्याने असमर्थता दर्शविली. ही माहिती पथकाने जिल्हास्तरीय भरारी पथकाला दिल्यानंतर पथकप्रमुख राहू राजू माने हे घटनास्थळी आल्यानंतर त्यांनी पंचासमक्ष ट्रकमधील खतांची मोजणी केली. यावेळी ट्रकमध्ये सेंद्रिय खताच्या १९ हजार ५०० रुपये किमतीच्या ३० गोण्या आढळून आल्या. हे खत मंगळूर कर्नाटक येथून आणले होते. खरीप हंगामाच्या प्रारंभालाच कारवाई झाल्यामुळे बोगस खतविक्रीला काहीसा आळा बसण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
