Pandharpur News: कार्तिक शुद्ध एकादशीला २ नोव्हेंबरला पंढरपुरात कार्तिकी यात्रा होणार आहे. या पार्श्वभूमीवर पंढरपूर शहरातील श्रीकृष्ण मंदिर, चौफाळा ते श्री विठ्ठल रुक्मिणी मंदिर पश्चिमद्वार, मंदिर परिसर ते पुढे महाद्वार चौक परिसर या दरम्यान २७ ते ३१ ऑक्टोबर या कालावधीत सकाळी ५ वाजल्यापासून ते रात्री १० वाजेपर्यंत आणि १ ते ५ नोव्हेंबर या कालावधीत २४ तास या परिसरात वाहनांना प्रवेशबंदी असणार आहे. .जिल्हाधिकारी तथा अध्यक्ष जिल्हा आपत्ती व्यवस्थापन प्राधिकरण कुमार आशीर्वाद यांनी यासंबंधीचा आदेश काढला आहे. कार्तिकी यात्रा कालावधीत शहरात येणाऱ्या भाविकांची संख्या पाहता, श्रीकृष्ण मंदिर, चौफाळा ते श्री विठ्ठल- रुक्मिणी मंदिर पश्चिमद्वार, मंदिर परिसर, पुढे महाद्वार चौक परिसर भागांत भाविकांची संख्या मोठ्या प्रमाणात असते..Pandharpur Yatra : उपमुख्यमंत्री शिंदे यांच्याकडून पंढरपुरातील तयारीचा आढावा.तसेच या भागांतून भाविक दर्शन रांगेकडे व मंदिराकडे पायी चालत जात असतात. अशा वेळी बऱ्याच ठिकाणी प्रदक्षिणा मार्गावर, जागोजागी दुचाकी व चारचाकी वाहने पार्किंग केलेली असतात, यामुळे रस्ता अरुंद होऊन भाविकांना रस्त्यावरून ये-जा करण्यास अडचण निर्माण होते..Jyotiba Yatra: चांगभलं'च्या गजरात दुमदुमला ज्योतिबा डोंगर.येणाऱ्या वाहनांमुळे अपघात होण्याची जास्त शक्यता असून, वाहनांमुळे रस्त्यावर गर्दी वाढून रहदारीच्या समस्या निर्माण होतात. गर्दी व्यवस्थापनाकरिता प्रशासनास अडचणी निर्माण होतात. शहर व परिसरातील वाहतूक व दर्शनरांग सुरळीतपणे चालण्यासाठी व यात्रा कालावधीत शांतता व सुरक्षितता राहावी,.यासाठी वाहन प्रतिबंधक आदेश पारीत करण्यात आले आहेत. पार्किंगच्या ठिकाणीच वाहने लावावीत, या आदेशाचे उल्लंघन केल्यास कारवाई करण्यात येईल, असेही या आदेशात नमूद करण्यात आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
