Sangli News: सांगली जिल्ह्यात गेल्या काही दिवसांपासून वाढत्या थंडीचा थेट फटका भाजीपाला लागवडीला बसत आहे. परिणामी, नवीन भाजीपाला लागवडीला अडथळे निर्माण झाले आहेत. शेतकऱ्यांनी भाजीपाला लागवड थांबवली असल्याचे चित्र आहे. रोपवाटिकांमधील रोपांची मागणीही सध्या मंदावली आहे. थंडी कमी होण्याची प्रतीक्षा असून फेब्रुवारीच्या मध्यापासून लागवड सुरू होईल, असे रोपवाटिका चालकांनी सांगितले आहे..यंदा जिल्ह्यात सरासरीपेक्षा अधिक पाऊस झाल्याने पाणीसाठा समाधानकारक आहे. त्यामुळे रब्बी हंगामात मोठ्या प्रमाणात शेतकऱ्यांचा कल भाजीपाला पिकांकडे वाढला आहे. मिरज, पलूस, कडेगाव, वाळवा आणि शिराळा या तालुक्यांत पारंपरिकपणे मोठ्या प्रमाणात भाजीपाला लागवड केली जाते..Vegetable Farming: रोहीपिंपळगाव शिवार झाले भाजीपाला पिकांचे हब.विशेष म्हणजे, गेल्या काही वर्षांत दुष्काळी पट्ट्यातील जत, आटपाडी, कवठेमहांकाळ, तासगाव आणि खानापूर या तालुक्यांमध्येही भाजीपाला लागवडीचा विस्तार झपाट्याने होत आहे. सध्या जिल्ह्यात सुमारे ४ हजार ९०० हेक्टर क्षेत्रावर भाजीपाला लागवड झाली आहे..यामध्ये काकडी, गाजर, शेवगा, बीट, कांदा, बटाटा, कोबी, बीन्स, फ्लॉवर, भेंडी, दोडका, मुळा, कारले आणि वांगी या पिकांचा समावेश आहे. मात्र थंडी वाढल्याने भाजीपाला पिकांची अपेक्षित वाढ होत नाही. त्यातच रोगाचा प्रादुर्भावही होण्याची शक्यता आहे. त्यामुळे शेतकऱ्यांनी भाजीपाला लागवड थांबवली आहे..Vegetable Farming: दोडका उत्पादनात गुणवत्ता, दर्जा राखण्यावर भर .दरम्यानच्या काळात झेंडू, टोमॅटो आणि मिरची या पिकांची लागवड काही शेतकरी करत असल्याचेही चित्र आहे. गुढीपाडव्यानिमित्त फुलांना मोठी मागणी असते. दरही अपेक्षित मिळतात. त्यामुळे शेतकरी झेंडूची लागवडीचे नियोजन करू लागला आहे. फेब्रुवारीच्या मध्यानंतर थंडी कमी होताच भाजीपाला लागवडीस गती येईल..वाढत्या थंडीमुळे भाजीपाला लागवड काहीशी मंदावली आहे. थंडी कमी झाल्यानंतर शेतकरी फेब्रुवारीमध्ये होणाऱ्या भाजीपाला लागवडीचे नियोजन करू लागेल, अशी अपेक्षा आहे.प्रकाश कदम, प्रविराम कृषी परिवार.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
