Varvand Farmers Agitation: ऊसदर वाढीच्या मागणीसाठी वरवंड (ता. दौंड) येथील शेतकऱ्यांनी एकत्रित येत एल्गार केला. गुऱ्हाळासाठी उसाला चार हजार ५०० रुपये दर मिळालाच पाहिजे. अन्यथा गुऱ्हाळासाठी ऊसतोड होऊ देणार नसल्याचा इशारा यावेळी शेतकऱ्यांनी दिला..काही दिवसांपासून बाजारपेठेत गूळ व साखरेच्या दरात अनपेक्षित वाढ झाली. याचा कोणताच फायदा ऊस उत्पादक शेतकऱ्यांना मिळत नाही. ऊस उत्पादक शेतकरी वाढत्या उत्पादन खर्चामुळे अडचणीत आहे. यामध्ये रासायनिक खते, औषधे, मशागत खर्च, विजेची समस्या, वन्यप्राण्यांचा धोका, उसावरील विविध रोगांचा प्रादुर्भाव आदींचा समावेश आहे..Farmer Protest: पोलिसांना चकवा देत तुपकरांचा आंदोलनाचा प्रयत्न.सध्या उसाची गुऱ्हाळे जोमात सुरू आहेत. मात्र, बाजारपेठेत गूळ व साखरेचे दर प्रचंड वाढले असताना उसाला केवळ ३५०० ते ३६०० रुपये दर मिळतो. या पार्श्वभूमीवर वरवंड येथील छत्रपती शिवाजी महाराज चौकात गावातील शेतकऱ्यांनी एकत्रित येऊन ऊस दरवाढीसाठी एल्गार केला..या बैठकीत ऊस उत्पादक शेतकरी व काही गुऱ्हाळ मालक उपस्थित होते. शेतकऱ्यांना गुऱ्हाळासाठी उसाला ४५०० रुपये दर मिळालाच पाहिजे. अन्यथा गुऱ्हाळासाठी ऊस देणे बंद करण्यात येईल, असा शेतकऱ्यांनी इशारा दिला..Kisan Sabha Protest: किसान सभेतर्फे दिंडोरी, हरसूलला रास्ता रोको.या वेळी पंचायत समितीचे संचालक प्रदीप दिवेकर, कात्रज जिल्हा दूध संघाचे माजी उपाध्यक्ष राहुल दिवेकर, माजी जिल्हा परिषद सदस्य संजय दिवेकर, पोलिस पाटील किशोर दिवेकर, नाना दिवेकर, गोरख दिवेकर, दशरथ दिवेकर आदींनी मनोगत व्यक्त केले. या वेळी मनोज सातपुते, दत्तात्रेय शेळके, नाना शेळके आदी उपस्थित होते..सध्या गूळ व साखरेचे दर मोठ्या प्रमाणात वाढले आहेत. मात्र, गुऱ्हाळासाठी शेतकऱ्यांना अपेक्षित दर मिळत नाही, ही चुकीची बाब आहे. शेतकऱ्यांपुढे अनेक अडचणी आहेत. ऊस उत्पादक शेतकऱ्यांना अपेक्षित दर मिळालाच पाहिजे.अशोक फरगडे, संचालक, बाजार समिती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
