Amaravati News : कापूस विक्रीनंतर जिनिंग व्यावसायिक गेल्या दोन वर्षांपासून चुकारे देण्यास टाळाटाळ करीत आहेत. त्यामुळे या प्रकरणात शासनाने हस्तक्षेप करीत थकित ५० लाख रुपयांची रक्कम मिळवून द्यावी, अशी मागणी वरुड तालुक्यातील तेरा शेतकऱ्यांनी कृषिमंत्री दत्तात्रय भरणे यांच्याकडे निवेदनाद्वारे केली आहे. .निवेदनात म्हटले आहे, की वरुड तालुक्यातील अनेक शेतकऱ्यांनी रोशनखेडा येथील अजय व ओमप्रकाश तिवारी संचालक असलेल्या श्री तिरुपती जिनिंग अँड प्रेसिंगला कापसाचा पुरवठा केला होता. २०२३ मध्ये या दोन्ही संचालकांनी कापसाची मोठ्या प्रमाणावर खरेदी केली..Cotton Harvesting: साथ लाभावी यंत्रमानवाची!.मात्र रोकड नसल्याचे सांगत खरेदी केलेल्या कापसाचे चुकारे उद्या करतो, असे सांगितले. मात्र दुसऱ्या दिवशीदेखील पैशाची सोय झाली नसल्याचे सांगत शेतकऱ्यांना परत पाठविण्यात आले. त्यानंतर आठ दिवस सातत्याने हीच थाप मारण्यात आली. .१५ दिवस, एक महिना आणि दीड वर्ष सातत्याने कारणे सांगत वेळ मारून नेण्यात आली. आता तब्ब्ल दोन वर्षे लोटल्यानंतरही कापूस उत्पादकांना त्यांच्या हक्काचे पैसे मिळाले नाहीत. हा प्रकार गंभीर असून याप्रकरणात पोलिसात देखील तक्रार नोंदविली गेली..परंतु पोलिसांनी त्याची योग्य दखल घेतली नाही. त्यामुळे आता न्यायासाठी शासनावरच शेतकऱ्यांची सारी भिस्त आहे. परिणामी कृषिमंत्री म्हणून आपण पुढाकार घेऊन कापूस उत्पादकांचे थकित ५० लाख मिळवून देण्यासाठी प्रयत्न कराल, अशी अपेक्षा शेतकऱ्यांनी व्यक्त केली आहे. नंदू राऊत, अरुण पुंड, स्वप्नील पुंड, खेमराज टेकाडे, विजय पुंड यांच्यासह शेतकऱ्यांनी हे निवेदन दिले आहे..Cotton Market: देशातील काही बाजारांत नव्या कापसाची आवक सुरू.स्टॅम्प ड्युटीचा भुर्दंडया प्रकरणात काहींनी न्यायालयात जाण्याची सूचना केली. परंतु प्रति एक लाखावर सात हजार रुपयांच्या स्टॅम्प ड्युटीचा भरणा करावा लागतो. दोन वर्षांपासून आमच्या हक्काचे पैसे मिळालेल नाहीत..त्यातच हा अतिरिक्त आणि मोठा खर्च न्यायालयीन प्रक्रियेवर होणार असल्याने शासनानेच पुढाकार घेऊन शेतकऱ्यांना न्याय मिळवून देत संबंधितांची संपत्ती जप्त करून लिलाव करावा, अशी मागणी कापूस उत्पादक शेतकऱ्यांनी केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
