Panjim News : नारळावर प्रक्रिया करून त्याचे मूल्यवर्धन करणे अतिशय गरजेचे आहे. मार्केटिंगच्या बाबतीत विविध स्रोत वापरल्यास नारळ शेती नफ्याची करता येईल असा आशावाद राष्ट्रीय नारळ परिषदेच्या तिसऱ्या चर्चासत्रात व्यक्त करण्यात आला. .भविष्यातील बाजारपेठेतील संभाव्य संधी या विषयावर हे चर्चासत्र झाले. यामध्ये नारळाच्या दर्जापासून ते विक्रीपर्यंतच्या बदलांची सविस्तर चर्चा करण्यात आली. गोवा कृषी विभागाचे माजी संचालक नेव्हील अफोन्सो म्हणाले, की नारळ उत्पादन घटत असले तरी त्यापासून तयार होणाऱ्या विविध उत्पादनांमध्ये विविध संधी आहेत. .Coconut Products : नारळाला औद्योगिक संधी....व्हर्जिन कोकोनट ऑइल, व्हिनेगार, कोकोनट मिल्क यांसारख्या प्रक्रिया उद्योगांमुळे मूल्यवृद्धी होते. ‘डिजिटल प्लॅटफॉर्म’द्वारे थेट विक्रीची संधी आज उपलब्ध आहे. शेतकऱ्यांनी आधुनिक मार्केटिंगकडे वळणे काळाची गरज आहे. असे सूक्ष्म नियोजन केल्यास नारळ उत्पादनातून चांगला फायदा होऊ शकतो..पांडुरंग पाटील म्हणाले, की शेतकऱ्यांनी ॲग्रो टुरिझमकडेही लक्ष द्यावे. गावाचा आणि स्वतःचाही फायदा होईल अशा सेवा देणे महत्त्वाचे आहे. अनेकांना स्थानिक अन्नपदार्थांचे मोठे आकर्षण आहे. या संधीचे सोने प्रत्येकाने करून घेणे गरजेचे आहे. मी काही वर्षांपासून व्यवसायात या बाबींचा अभ्यास केला. यामुळे यशस्वी झालो..Coconut Farming : कल्पवृक्ष गोव्यासाठी....मिंगेल ब्रागांझा म्हणाले, की शेतकऱ्यांनी गुणवत्तापूर्ण नारळ निवडून प्रक्रिया करून विक्री करावी. केवळ शासन अनुदानावर अवलंबून राहू नये. चांगल्या दर्जाच्या उत्पादनावरच चांगला दर अवलंबून असतो.” उदय म्हांबरे म्हणाले, की व्यापाऱ्यांना अधिक नफा मिळतो असे म्हटले जाते, पण शेतकऱ्यांना नारळाचा सरसकट दर मिळत नाही. .लहान आकाराचे नारळ आणि प्रतवारी अभावी व्यापारी कमी दर देतात. प्रतवारी केलेला नारळास व्यापाऱ्यांकडून चांगला दर आजही दिला जातो. नारळ बागायतदार श्रीरंग जांभळे यांनी सूत्रसंचालन केले. गोमन्तकचे संपादक संचालक राजू नायक यांनी आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
