Kolhapur Panchganga Riverbank Collapse: गांधीनगर (जि. कोल्हापूर) : पंचगंगा नदीवर वळीवडे (ता. करवीर) येथील सुर्वे बंधाऱ्यावरील बरगे न काढल्यामुळे नदी किनाऱ्यावरील माती ढासळू लागली आहे. नदीच्या दोन्ही बाजूला असणारे मातीचे ढिगारे ढासळल्याने नदी पात्र रुंद होत चालले आहे. यामुळे जमिनीचे आणि पर्यावरणाचे नुकसान होत आहे. .वळीवडे येथे पंचगंगा नदीवर सुर्वे बंधाऱ्याच्या आधारे गावाला आणि शेतीला पाणीपुरवठा होतो. दरवर्षी पावसाळ्यापूर्वी बंधाऱ्याचे बरगे काढण्याचे काम जलसिंचन विभागातर्फे केले जाते. या बंधाऱ्याचे बरगे काढल्यामुळे पुरात नदीच्या पाण्याचा प्रवाह नदीपात्रातून होतो, परंतु दोन वर्षे या बंधाऱ्यावरील बरगे न काढल्यामुळे पाण्याचा दाब बंधाऱ्याच्या वरच्या भागात वाढत गेला. बंधाऱ्याच्या वरील भागात दाबामुळे नदीपात्र फुगत गेले. पाण्याचा दाब नदीकिनाऱ्यावर असणाऱ्या शेतजमिनीवर वाढत गेल्याने ही जमीन ढासळली असून, त्यामुळे नदीपात्र वाढत चालले आहे..Kolhapur Development Funds: कोल्हापूरसाठी अतिरिक्त ५५३ कोटींची मागणी.दाब पडून बंधाऱ्याची क्षमता कमी होऊन बंधारा खचण्याची शक्यता निर्माण झाली आहे. पावसाळ्यापूर्वी बरगे काढून नदीकिनाऱ्यावरील शेतजमीन वाचवावी, असे मत शेतकरी मांडत आहेत..Sugarcane Soil Fertility: ऊस तोडणीनंतर मातीची सुपीकता वाढविण्याचे उपाय .सुर्वे बंधाऱ्यातील बरगे जलसिंचन विभागाने काढावेत, यासाठी जलसिंचन विभागातील अधिकाऱ्यांशी दोन वर्षे आम्ही संपर्क साधत आहोत. बरगे न काढल्यामुळे जमिनीचे नुकसान तर होत आहेच, परंतु सहकारी पाणीपुरवठा संस्थेच्या जॅकवेलचेही नुकसान होण्याची शक्यता आहे.- उदयसिंह पोवार, अध्यक्ष, पंचगंगा पाणीपुरवठा संस्था, वळीवडे..दरवर्षी बंधाऱ्यावरील बरगे काढण्याचे नियोजन केले जाते, परंतु पावसाळा सुरू झाल्यानंतर बंधाऱ्यावर पुराचे पाणी येते. त्यामुळे हे काम करणे शक्य होत नाही.- स्मिता माने, कार्यकारी अभियंता, पाटबंधारे विभाग, उत्तर कोल्हापूर..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
