Nagpur News: राज्यातील चारही कृषी विद्यापीठांत पदांचा मोठा अनुशेष आहे. कृषी शिक्षणासह संशोधनावर याचा विपरीत परिणाम होत असल्याने मार्च २०२६ पर्यंत कोणत्याही परिस्थितीत पदभरती केली जाईल, अशी घोषणा कृषिमंत्री दत्तात्रय भरणे यांनी शुक्रवारी (ता. १२) विधान परिषदेत केली..विधान परिषद सदस्य सतीश चव्हाण यांनी याविषयी लक्षवेधी मांडली होती. त्याला उत्तर देताना श्री. भरणे म्हणाले, की कृषी विद्यापीठांमधील भरतीमध्ये अनेक तांत्रिक अडचणी होत्या. त्यामध्ये वित्त विभागाची मंजुरी ही मोठी अडचण आहे..Agricultural Universities Recruitments: कृषी विद्यापीठांत प्राध्यापक, शिक्षकेतर पदभरती लवकरच.आता वित्त राज्यमंत्री आशिष जयस्वाल यांनी पदभरतीसंदर्भातील खर्चाच्या तरतुदीसाठी वित्त विभागाकडून येत्या वीस दिवसांत परवानगी मिळणार असल्याचे घोषित केले आहे. त्यामुळे पुढील प्रक्रिया सोपी होईल. वित्त विभागाच्या परवानगीनंतर आकृतिबंधाला तत्काळ मान्यता दिली जाईल. त्यानंतर सचिवस्तरीय बैठक घेऊन भरती प्रक्रिया राबवली जाईल. मार्च २०२६ पर्यंत रिक्त पदांचा भरणा केला जाईल..कृषी विद्यापीठातील भरती प्रक्रिया ही शास्त्रज्ञ सेवा मंडळाच्या माध्यमातून राबवली जाते. या मंडळाचे अध्यक्षपद सध्या रिक्त आहे. भरती प्रक्रियेत हा अडसर भासू नये, याकरिता महाराष्ट्र कृषी शिक्षण व संशोधन परिषदेचे उपाध्यक्षांकडे या पदाचा प्रभार तत्काळ प्रभावाने देण्यात येत असल्याची घोषणा भरणे यांनी केली..Agriculture Universities Recruitment: कृषी विद्यापीठांतील रिक्त पदे पुढील १५ दिवसांत भरणार: कृषीमंत्री दत्तात्रय भरणे.चतुर्थ श्रेणी कर्मचाऱ्यांची पदे भरण्याचे अधिकार कुलगुरूंकडे आहेत. मात्र नगरपालिका आचारसंहितेचे कारण देत अकोला कृषी विद्यापीठाच्या कुलगुरूंनी पदभरतीस नकार दिला, असा आरोप सदस्य अमोल मिटकरी यांनी केला. यावर माहिती घेऊन कारवाई केली जाईल, असे उत्तर श्री. भरणे यांनी दिले..अकोला कृषी विद्यापीठात ३५३८ पदे असून त्यापैकी २८८४ पदे रिक्त आहेत. चारही विद्यापीठांतील पदे मार्चपर्यंत भरली जातील. सुमारे ११३५० पदांचा आकृतिबंध त्याकरिता मंजूर केला जाईल.दत्तात्रय भरणे, कृषिमंत्री.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
