Donald Trump announces Peace Agreement with Iran: ‘‘पश्चिम आशियातील संघर्ष संपविण्यासाठी आणि होर्मूझची सामुद्रधुनी पुन्हा खुली करण्यासाठी इराणसोबतचा करार निश्चित झाला आहे,’’ असे अमेरिकेचे अध्यक्ष डोनाल्ड ट्रम्प यांनी म्हटले आहे. शांतता चर्चेचा एक भाग म्हणून, इराण आपल्याकडील अत्यंत घातक अशा समृद्ध युरेनियमचा साठा सोडून देण्यास तत्त्वतः तयार झाल्याचे म्हटले जाते. मात्र या बाबत इराणकडून कोणतीही अधिकृत घोषणा केलेली नाही. अमेरिकेच्या दोन वरिष्ठ अधिकाऱ्यांच्या माहितीच्या आधारे ‘द न्यू यॉर्क टाइम्स’ने या बाबतचे वृत्त दिले आहे..अमेरिकन अधिकाऱ्यांनी दिलेल्या माहितीनुसार, इराणने युरेनियमचा साठा सोडण्याची तयारी दर्शविली असली, तरी हा करार सध्या प्राथमिक पातळीवर आहे. हा युरेनियमचा साठा कसा नष्ट करायचा, तो दुसऱ्या देशात कसा पाठवायचा किंवा त्याची तीव्रता कमी करायची या बाबतची नेमकी प्रक्रिया अजून ठरलेली नाही. मुख्य शांतता करार झाल्यानंतर, पुढील टप्प्यातील अणुचर्चेत या तांत्रिक मुद्द्यांवर सविस्तर चर्चा होणार आहे..Fertilizer Shortage: होर्मूझ मार्ग बंद झाल्याने खतटंचाईचे सावट.दरम्यान, ‘‘वाटाघाटींमध्ये लक्षणीय प्रगती झाली असली, तरी अंतिम टप्पा अद्याप गाठलेला नाही,’’ असे अमेरिकेचे परराष्ट्रमंत्री मार्को रुबिओ यांनी म्हटले होते. या बाबत लवकरच घोषणा अपेक्षित असल्याचेही ते भारतात पत्रकारांशी बोलताना म्हणाले होते..वाटाघाटींची थेट माहिती असलेल्या एका अधिकाऱ्याने सांगितले, की इराण हा समृद्ध युरेनियम नेमका कसा सोडणार, याबाबत पुढील ६० दिवसांच्या कालावधीत चर्चा होणार आहे. त्यांच्या मते, यातील काही प्रमाण कमी समृद्धतेच्या स्तरावर आणले जाईल, तर उर्वरित साठा तिसऱ्या देशाकडे हस्तांतरित केला जाऊ शकतो. आंतरराष्ट्रीय अणुऊर्जा संस्थेच्या माहितीनुसार, इराणकडे ६० टक्के शुद्धतेपर्यंत समृद्ध केलेले ४४०.९ किलो युरेनियम आहे..Oil Trade: ‘होर्मूझ’मधून भारताला तेल वाहतुकीस परवानगी.अण्वस्त्रनिर्मितीसाठी आवश्यक ९० टक्के शुद्धतेच्या पातळीपासून तो केवळ एक तांत्रिक टप्पा दूर आहे. दुसऱ्या अधिकाऱ्याने दिलेल्या माहितीनुसार, अमेरिका निर्बंधांमध्ये सूट देऊन इराणला पुन्हा तेलविक्रीची परवानगी देईल; तसेच आर्थिक निर्बंधांमध्ये सवलत आणि गोठवून ठेवलेल्या इराणी निधीच्या मुक्ततेसंदर्भातील चर्चादेखील दोन महिन्यांच्या कालावधीत केली जाईल, असे त्यांनी सांगितले..करारामध्ये काय?होर्मूझ सामुद्रधुनी पुन्हा खुली करणे आणि नाकेबंदी हटविणेयुरेनियमचा साठ्यावरील ताबा इराणने सोडून तो अन्य देशांकडे देणेइस्राईल आणि हिज्बुल्ला यांच्यातील युद्ध समाप्त करण्याचा; तसेच प्रदेशातील देशांच्या अंतर्गत बाबींमध्ये हस्तक्षेप न करण्याचा समावेश आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
