Buldana News: बुलडाणा जिल्ह्यातील सातपुड्याच्या पायथ्याशी असलेल्या जळगाव जामोद व संग्रामपूर तालुक्यांसह खानदेशात मंगळवारी (ता. २७) अवकाळी पाऊस व गारपिटीने रब्बी हंगामातील पिकांचे मोठे नुकसान झाले आहे. धुळ्यातील शिरपूर तालुक्यात गारपिटीमुळे पिकांचे मोठे नुकसान झाले आहे. येवला व नांदगाव तालुक्यात गहू, कांदा व चाऱ्याचे नुकसान आहे. .मंगळवारी सात ते साडेसात वाजेच्या दरम्यान हा वादळाचा तडाखा जाणवला. सातपुड्याच्या पायथ्याशी असलेल्या यामुळे जळगाव जामोद व संग्रामपूर तालुक्यांतील सातपुड्याच्या पायथ्याशी असलेली गावे विशेष प्रभावित झाली. प्रामुख्याने सुनगाव, जामोद, टुनकी, सोनाळा या गावांमध्ये वारा, पावसाने जोरदार हजेरी दिली. या वादळामुळे आंब्याचा मोहर जमिनीवर पडला असून, कांदा, गहू व मक्याचे पिके जमिनीवर लोळले आहे..Maharashtra Rain Update : राज्यात ढगाळ हवामान; तापमानात चढ-उतार सुरूच.नाशिक जिल्ह्यातील येवला तालुक्यात ओंबीवर आलेला हिरवा गहू भुईसपाट झाल्याचे पाहायला मिळाले. मका देखील अचानक आलेला पावसामुळे भिजला तर साठवून ठेवलेल्या चाऱ्याचे नुकसान झाले आहे. अचानक आलेल्या पावसामुळे शेतकऱ्यांचे हाल झाले असल्याचे शेतकरी जनार्दन कमोदकर यांनी सांगितले..Unseasonal Rain: उत्तर महाराष्ट्रात अवकाळी पावसाचा कहर; निफाड, भुसावळ व चोपड्यात गारपीट.जळगाव जिल्ह्यात धरणगाव, जळगाव, एरंडोल, चोपडा, रावेर, मुक्ताईनगर, यावल आदी भागांतही गारपीट झाली. यात सुमारे ११ हजार हेक्टरवरील रब्बीसह केळी पिकाही हानी जळगाव जिल्ह्यात झाल्याचा अंदाज आहे. पंचनामे बुधवारी (ता.२८) सर्वत्र सुरू करण्यात आले. मक्ताईनगर तालुक्यातील मेळसावंगे, शेमळदे, पूरनाड आदी गावांत वादळी पावसाने नुकसान झाले..पीक नुकसान भरपाईची मागणी : रब्बी हंगामातील पिकांसह संत्रा, आंबा, केळी व इतर फळबागांचे मोठे नुकसान झाले असून शेतकरी अडचणीत सापडला आहे. प्रशासनाने तातडीने पंचनामे करून शेतकऱ्यांना नुकसान भरपाई द्यावी, अशी मागणी या भागातील शेतकऱ्यांनी केली आहे. दरम्यान, बुधवारी (ता.२८) सकाळी जळगाव जामोदचे तहसीलदार श्री. पाटील यांनी तातडीने नुकसानग्रस्त भागात भेट देत पाहणी केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
