कोकण, पश्चिम महाराष्ट्रात अवकाळी पावसामुळे भात पिकाचे मोठे नुकसानशेतात पाणी साचल्याने काही ठिकाणी ऊस तोडीही थांबवल्या भुईमूग, नाचणी या खरीप पिकांनाही पावसाचा फटका.Unseasonal Rain: पावसाळा संपला तरी पावसाने शेतकऱ्यांची पाठ सोडलेली नाही. कोकण, पश्चिम महाराष्ट्रातील काही भागात अवकाळी पावसामुळे भात पिकाचे मोठे नुकसान झाले आहे. तसेच शेतात पाणी साचल्याने काही ठिकाणी ऊस तोडीही थांबवल्या आहेत. भुईमूग, नाचणी या खरीप पिकांनाही पावसाचा फटका बसला आहे..सिंधुदुर्ग जिल्ह्यात पावसाचा जोर कायम आहे. यामुळे आठ दिवसांपासून भात कापणी थांबली आहे. काही ठिकाणी शेतात कापणी केलेले भात पीक पाण्यात तरंगत असल्याचे दिसून आले आहे. पावसाने भात, आंबा आणि नाचणी पिकांचे मोठे नुकसान झाल्याने शेतकरी आणि बागायतदार हवालदिल झाला आहे. गेल्या २४ तासांत सिंधुदुर्ग जिल्ह्यातील रामेश्वर येथे सर्वाधिक १२० मिलिमीटर पावसाची नोंद झाली. लांजा येथे ११८ मिमी, दोडामार्ग ८४ मिमी, सावंतवाडी ७६ मिमी, गुहाघर ६१ मिमी आणि राजापूरमध्ये ४५ मिमी पाऊस झाला. रायगड जिल्ह्यातील मुरूड, पोलादपूर भागात पाऊस झाला आहे. .Unseasonal Rain : सहा महिने झाले, तरी पाऊस सुरूच.कोल्हापूर जिल्ह्यातही गेल्या काही दिवसांपासून पाऊस सुरुच आहे. यामुळे भात कापणी पूर्णतः ठप्प झाली आहे. पाऊस कधी थांबेल? याची शेतकरी वाट पाहात आहेत. पावसामुळे शेतात पाणी साचले असून, ऊस तोडीही थांबल्या आहेत. कोल्हापूर जिल्ह्यातील चंदगड तालुक्यात सकाळी ८ वाजता संपलेल्या २४ तासांत ३५ मिमी पाऊस झाला. जिल्ह्यातील तालुक्यातही रात्री जोरदार पाऊस झाला. .Unseasonal Rain: मच्छीमारांवर अवकाळी पावसाची कुऱ्हाड.सांगली जिल्ह्यातील अनेक भागात शुक्रवारी अवकाळी पाऊस झाला. यामुळे द्राक्षबागा आणि खरिपातील कापणीला आलेल्या पिकांचे नुकसान झाले आहे. .नाशिक जिल्ह्यातील काही भागात हलक्या सरी कोसळल्या आहेत. मुंबई, नवी मुंबई आणि ठाणे जिल्ह्यात गेल्या २४ तासांत हलक्या ते मध्यम स्वरुपाचा पाऊस झाला आहे. मराठवाड्यात दोन दिवसांपासून पाऊस कमी झाला आहे. .कोकणात आज पावसाची शक्यतासमुद्रातील कमी दाब क्षेत्रांचा प्रभाव कमी झाला आहे. यामुळे राज्यातील पावसाचा जोर कमी होऊ शकतो. दरम्यान, आज दक्षिण कोकण, रत्नागिरी, सिंधुदुर्ग, सातारा जिल्ह्यात जोरदार पावसाची शक्यता हवामान विभागाने वर्तवली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
