Unseasonal Rain Crop Damage: राज्यातील काही भागात अवकाळी पावसाचा तडाखा कायम आहे. कोल्हापूर शहरासह भुदरगड, राधानगरी, पन्हाळा तालुका आणि इतर भागात शुक्रवारी विजांच्या कडकडासह हलका ते मध्यम स्वरुपाचा वादळी पाऊस झाला. यामुळे आंबा पिकाच्या नुकसानीची भीती व्यक्त करण्यात आली आहे. .कोकणातील काही जिल्ह्यांमध्ये अवकाळी पाऊस सुरुच आहे. रत्नागिरी जिल्ह्याच्या लांजा, संगमेश्वर तसेच देवरूख भागात गुरुवारी अवकाळी पाऊस आणि जोरदार गारपीट झाल्याने आंबा आणि काजू बागायतदार चिंतेत आहेत. सिंधुदुर्ग जिल्ह्यातील मालवण, कणकवलीतही अवकाळीसह गारपीट झाली. गारपिटीमुळे आंब्याला डाग पडण्याची शक्यता वाढली आहे. तसेच वादळी पावसामुळे काही ठिकाणी फळगळ झाली आहे. कोकणातील शेतकरी नैसर्गिक आपत्तीमुळे मेटाकुटीला आला आहे. यंदा आंबा, काजू पीक उत्पादनात मोठी घट होण्याची शक्यता आहे. .Unseasonal Rain Crop Damage: अवकाळी, गारपिटीने झालेल्या नुकसानीचे पंचनामे सुरु, शेतकऱ्यांना मदत मिळणार, कृषिमंत्र्यांची विधानसभेत माहिती.कोल्हापूर जिल्हा तसेच घाटमाथ्यावर आज तुरळक ठिकाणी विजांच्या कडकडासह वादळी, हलका ते मध्यम पाऊस आणि सोसाट्याचा वारा येण्याची शक्यता हवामान विभागाने व्यक्त केली आहे. सिंधुदुर्ग जिल्ह्यात आज संध्याकाळी हलक्या पावसाची शक्यता आहे. कोकणात ३० मार्च रोजीही तुरळक ठिकाणी सोसाट्याच्या वाऱ्यावर पावसाचा अंदाज वर्तवण्यात आला आहे. तसेच कोल्हापूर जिल्ह्यात विजा पडण्याची शक्यता आहे. .Unseasonal Rain Issue: उजनी पाणलोट क्षेत्राला अवकाळीचा तडाखा.शेतकऱ्यांनी काळजी घ्यावीसध्या राज्यातील काही भागात ढगाळ हवामान आहे. यामुळे शेतकऱ्यांनी पुढील काही दिवस हवामानाच्या अंदाजांकडे लक्ष ठेवून, त्यानुसार शेतीच्या कामांचे नियोजन करावे. सध्या रब्बी पिकांची काढणी सुरू आहे. यामुळे शेतकऱ्यांनी काढणी केलेली पिके सुरक्षित ठिकाणी साठवून ठेवावीत अथवा झाकून ठेवण्याची व्यवस्था करावी. तसेच वादळी वारे, पाऊस आणि संभाव्य गारपीटीपासून पिकांचे नुकसान टाळण्यासाठी आवश्यक ती खबरदारी घ्यावी, असे आवाहन कृषी विभागाकडून करण्यात आले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
