Unseasonal Rain Crop Damage News Updates: राज्यातील अनेक भागात अवकाळी पावसाचे धुमशान सुरुच आहे. पुण्यातील पश्चिम भागात सोमवारी वादळी वाऱ्यासह गारांचा पाऊस झाला. तसेच उत्तर महाराष्ट्रातील धुळे, नाशिक जिल्ह्याला पावसाने झोडपले. यामुळे कांदा, गहू, हरभरा, मका पिकांचे नुकसान होण्याची शक्यता आहे. .पुण्यातील बाणेर, औंध, बालेवाडी, म्हाळुंगे, विमान नगर, हडपसर या भागात पाऊस पडल्याने रस्त्यावर पाणी साचले. पुण्यातील बाणेर परिसरात अर्धा तास पाऊस झाला. यामुळे पासपोर्ट कार्यालयाच्या समोर गुडघाभर पाणी साचले. पुण्यात अनेक ठिकाणी रस्ते पाण्याखाली गेल्याने वाहतूक कोंडी दिसून आली. पुणे जिल्ह्याच्या अनेक भागांमध्ये सर्वत्र मध्यम ते जोरदार पाऊस तसेच काही ठिकाणी गारपीट झाल्याने तापमानात मोठी घट झाली..Unseasonal Rain: ऐन उन्हाळ्यात पुण्यात गारपीट व अवकाळी पावसाची हजेरी; नागरिकांची तारांबळ.धुळ्यातील साक्री तालुक्यात अवकाळी पाऊस, पिंपळनेरमध्ये गारपीट धुळे जिल्ह्यातील साक्री तालुक्यात अवकाळी पाऊस पडला. तसेच पिंपळनेर परिसरात दुपारच्या सुमारास जोरदार गारपीट झाली. समोडे, घोडदे, कासारे परिसरात अधिक गारपीट झाली. यामुळे कांदा, गहू, हरभऱ्यासह इतर उन्हाळी पिकांचे नुकसान होण्याची शक्यता असल्याने शेतकरी हवालदिल झाला आहे. .Unseasonal Rain Impact: अवकाळी आणि गारपिटीमध्ये आंबा- काजू बागेची काळजी कशी घ्यावी?.नाशिक जिल्ह्यात अवकाळी पावसाने थैमान सुरुच आहे. येथील मालेगाव, चांदवड आणि येवला तालुक्यात वादळी वाऱ्यासह गारपीट झाली. यामुळे पिकांचे मोठे नुकसान झाले आहे. चांदवड परिसरात काढणीला आलेला गहू पावसाने आडवा झाला आहे. तसेच फळपिकांचे नुकसान झाल्याने शेतकरी चिंतेत आहे. .विदर्भाच्या वाशिम जिल्ह्यातही अवकाळी पाऊस झाला. येथील रिसोड तालुक्याच्या काही भागात पावसाची नोंद झाली. कोल्हापूर शहरासह सोमवारी सायंकाळी हलक्या पावसाने हजेरी लावली. येथील हवामान ढगाळ आहे. .गारपिटीसह वादळी पावसाची शक्यतामध्य महाराष्ट्रासह मराठवाड्यातील जिल्ह्यांमध्ये मेघगर्जनेसह आज वादळी पावसाची शक्यता आहे. दक्षिण कोकण, गोवा, मध्य महाराष्ट्र आणि मराठवाड्याच्या काही तुरळक ठिकाणी विजांच्या कडकडाटासह गारपिटीसह वादळी हलका ते मध्यम पाऊस आणि ताशी ४० ते ५० किलोमीटर वेगाने वारे वाहण्याची शक्यता हवामान विभागाने व्यक्त केली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
