Hailstorm Crop Damage: सातारा जिल्ह्यात गुरुवारी (ता. १९) अवकाळी पावसाने जोरदार हजेरी लावल्याने जनजीवन विस्कळित झाले आहे. त्यामुळे कडाक्याच्या उन्हात पारा घसरला आहे. अचानक झालेल्या या पावसामुळे शेतकऱ्यांच्या पिकांना मोठा फटका बसण्याची भीती व्यक्त होत आहे. विशेषतः आंबा, गहू, हरभरा आणि भाजीपाला पिकांवर याचा परिणाम दिसून येत आहे. तर काही भागांत वाऱ्यासह गारांचा पाऊस झाल्याने झाडे कोसळले आहेत..महाबळेश्वर तालुक्यातील पाचगणी शहरासह जावळी तालुक्यातील काटवली, रुईघर, शिंदेवाडी, बेलोशी, रांजणी, दापवडी आणि वहागाव, महू परिसरांत अवकाळी पावसाने गारांसह जोरदार तडाखा दिला. काढणीला आलेल्या पिकांचे मोठ्या प्रमाणावर नुकसान झाले आहे. विशेषतः या पट्ट्यातील गव्हाच्या पिकाला या गारपिटीचा सर्वाधिक फटका बसला असून, शेतकरी हवालदिल झाला आहे. .Unseasonal Rain: अवकाळी, गारपिटीचे शेतकऱ्यांवर संकट, पीक नुकसानीचे तातडीने मुल्यांकन करण्याचे केंद्रीय कृषिमंत्र्यांचे निर्देश.या परिसरातील काही शेतकऱ्यांनी आपला गहू काढून खळ्यावर किंवा शेतात सुरक्षित ठेवण्याचा प्रयत्न केला होता. मात्र, अचानक आलेल्या मुसळधार पावसामुळे काढलेला गहू पूर्णपणे भिजला आहे. माण तालुक्यातील गोंदवल्यातील आठवडा बाजारात गुरुवारी संध्याकाळी पाचच्या सुमारास अवकाळी पावसाने हजेरी लावल्याने व्यापारी व ग्राहकांची मोठी धांदल उडाली.अचानक आलेल्या पावसाने हाताला आलेल्या पिकांचेही मोठे नुकसान झाल्याने शेतकरी वर्गातून चिंता व्यक्त होत आहे. शुक्रवारी (ता. २०) आठवडा बाजारासाठी परिसरातून मोठ्या संख्येने नागरिक खरेदीसाठी आले होते. पावसाने अचानक हजेरी लावल्याने व्यापाऱ्यांची मोठी धावपळ उडाली..Unseasonal Rain: अवकाळी पाऊस, वादळाचा पश्चिम विदर्भात तडाखा.माण तालुक्याच्या पूर्व भागातील दिवड, पळशी, जाशी, लोधवडे, गोंदवले खुर्द आदी गावांच्या परिसरात गुरुवारी सायंकाळी चारच्या सुमारास वादळी वाऱ्यासह हलकासा पाऊस झाला. यात आंबा फळबागेतील झाडावरील कैऱ्या गळून पडल्या. खटाव तालुक्यातील गारुडी, तरसवाडी भागांत सर्वत्र पाणीच पाणी झाले. .ज्वारीची पिके भुईसपाट झाली. त्याचबरोबर डाळिंब, झेंडू पिकांचेही नुकसान झाले. कऱ्हाड शहरासह तालुक्याच्या विविध भागाला शुक्रवारी वादळी वाऱ्यासह पावसाने झोडपून काढले. उंडाळे भागासह नांदगाव, कालवडे, कासारशिरंबे, बेलवडे बुद्रुक व वाठार परिसरात गारांचा वर्षाव झाला. यामुळे गहू, ज्वारी आणि भाजीपाला पिकांचे नुकसान झाले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
