Hailstorm Impact on Crops : छत्रपती संभाजीनगर जिल्ह्यातील सर्व तालुक्यांतील बहुतांश गावांना बुधवारी (ता. १८) सायंकाळी आणि रात्री पूर्वमोसमी पाऊस आणि गारपिटीने जोरदार झोडपले. यामुळे जनजीवन विस्कळित झाले. अचानक आलेल्या वादळी वाऱ्यामुळे आणि गारांच्या माऱ्यामुळे काढणीला आलेला गहू, हरभरा, मका आणि कांद्याचे मोठे नुकसान झाले. सोयगाव तालुक्यात घरांवरची पत्रे उडून नुकसान झाले. ऐन सोंगणीच्या वेळी पावसाने गाठल्याने मळणीसाठी शेतकऱ्यांची झुंबड उडाली होती. रात्री गंगापूर, पैठण, कन्नड आणि छत्रपती संभाजीनगर तालुक्यांना पावसाने चांगलेच झोडपले..पिके झाकण्यासाठी धावपळमाणिकनगर : सिल्लोड तालुक्यातील माणिकनगर, भवन, चिंचखेडा, पिंपळगाव पेठ, गव्हाली, तांडाबाजार, पिंपरी, वरूड, केऱ्हाळा आणि बनकिन्होळा आदी गावांत दुपारी अचानक ढगाळ वातावरण निर्माण झाले. पावसाच्या धास्तीने शेतकऱ्यांची शेतात सोंगून ठेवलेला मका आणि गहू सुरक्षित ठिकाणी किंवा गोदामात हलवण्यासाठी मोठी धावपळ उडाली. संभाव्य नुकसान टाळण्यासाठी सायंकाळी अबालवृद्ध आणि महिलांनीही शेतात धाव घेत शेतमाल झाकण्यासाठी मोठी धडपड केली..Unseasonal Rain: पूर्वमोसमी पाऊस, गारपिटीचा तडाखा.हार्वेस्टरचे दर दुप्पट; गहू आडवा होण्याची भीतीअंभई : परिसरात सायंकाळी साडेसहाला अर्धा ते पाऊण तास वादळी वारा आणि विजेच्या कडकडाटांसह पाऊस झाला. पावसाच्या शक्यतेमुळे मळणीसाठी शेतकऱ्यांची एकच घाई उडाली, ज्याचा फायदा घेत हार्वेस्टर मालकांनी एकरी मळणीचे दर थेट दुपटीने वाढवले. हार्वेस्टर न मिळाल्याने अनेक शेतकऱ्यांचा गहू शेतातच उभा असून, वादळामुळे तो आडवा होण्याची भीती आहे. मका, हरभरा आणि गव्हाची पोती तसेच जनावरांना सुरक्षित ठिकाणी नेण्यासाठी शेतकऱ्यांची मोठी तारांबळ उडाली..Unseasonal Rain: माकणी परिसरात पाऊस, गारपीट.नागापूरला हलक्या सरीनागापूर : कन्नड तालुक्यातील नागापूर परिसरात दुपारनंतर ढगांचा गडगडाट सुरू झाला. सायंकाळी पाचच्या दरम्यान पावसाचे हलके थेंब पडल्याने व्यापाऱ्यांसह उघड्यावर असलेला मका आणि गहू झाकण्यासाठी शेतकऱ्यांची मोठी धांदल उडाली. मात्र, सुदैवाने केवळ हलक्या सरी पडल्या आणि मोठा पाऊस न आल्याने पिकांचे संभाव्य नुकसान टळले, ज्यामुळे शेतकरी राजाचा जीव भांड्यात पडला..सिल्लोड परिसराला गारपिटीचा तडाखासिल्लोड : तालुक्यात सायंकाळच्या सुमारास अनेक गावांना पूर्वमोसमी पावसाचा तडाखा बसला. घाटनांद्रा, चारनेर, चिंचवण, धावडा, आमठाणा आणि पेडगाव परिसरात अवकाळीच्या सरींसह गारपीट झाली, तर अजिंठा आणि अनाड परिसरात तुरळक पावसाच्या सरी कोसळल्या. सर्वच ठिकाणी हरभरा, गहू आणि मका काढणीची लगबग सुरू असताना पावसाने हजेरी लावल्याने शेतमाल सुरक्षित करण्यासाठी शेतकऱ्यांची धावपळ उडाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
