Jalgaon News: भडगाव तालुक्यात गेल्या दोन दिवसांत कुठे अवकाळी पाऊस, तर कुठे गारपीट, तसेच वादळी वाऱ्यामुळे ज्वारी, बाजरी, गहू, हरभरा, मका यासह इतरही पिकांचे अतोनात नुकसान झाले. तालुका कृषी विभागाच्या प्राथमिक पाहणी अहवालानुसार तालुक्यातील एकूण ४७ गावांमधील चार हजार ५० शेतकऱ्यांचे सुमारे दोन हजार ८५४.६० हेक्टर क्षेत्राचे नुकसान झाले आहे, अशी माहिती तालुका कृषी अधिकारी दीपक ठाकूर यांनी ‘सकाळ’शी बोलताना दिली. यात ज्वारीचे तब्बल एक हजार २८१ हेक्टर इतके सर्वाधिक नुकसान झाले आहे..या अवकाळीमुळे शेतकऱ्यांच्या तोंडी आलेला घासच जणू हिरावला गेला आहे. तालुक्यातील वाडे, नावरे, गोंडगाव, बांबरुड प्र. ब, सावदे, घुसर्डी, कोळगाव, शिंदी, खेडगाव, शिवणी, वडजी, दलवाडे, लोणपिराचे, बोरनार, बोदर्डे, कनाशी, देव्हारी, निंभोरा, आमडदे, वलवाडी यासह इतरही अशा ४५ गावांमधील पिकांचे नुकसान झाल्याचा अंदाज कृषी विभागाने वर्तविला आहे..Unseasonal Rain Damage: बुलडाणा जिल्ह्यात गारपिटीमुळे ३,८०० हेक्टरवर पिकांचे नुकसान.या नुकसानीचे तत्काळ पंचनामे करुन शासनाने नुकसानग्रस्तांना मदतीचा हात द्यावा, अशी आर्त मागणी नुकसानग्रस्त भागातील शेतकऱ्यांमधून होत आहे. दरम्यान, नुकसानग्रस्त भागांमध्ये कृषी व महसूल विभागातर्फे पाहणी केली जात असून पंचनामे करण्यात येत असल्याचे तहसीलदार शीतल सोलट यांनी ‘सकाळ’शी बोलताना सांगितले..Unseasonal Rain: पावसाच्या तडाख्याने रब्बीचे क्षेत्र गारद.ज्वारी, बाजरी भुईसपाटतालुक्यात यंदा रब्बी हंगामात ज्वारी व बाजरीची चांगली पेरणी झाली होती. ज्वारीचे पीक जोमात होते. कणसांमध्ये दाणे भरण्याची स्थिती झाली होती. मात्र, कणसांमध्ये अळींचा प्रादुर्भाव झाल्याने किटकनाशकांच्या फवारणीचे काम सुरु होते. तर काही गावांमध्ये ज्वारीसह मका व गहू काढण्याचे काम सुरु झाले होते. यावर्षी चांगले उत्पन्न मिळेल, अशी आशा असताना अवकाळीने या आशेवर अक्षरशः पाणी फिरवले. त्यामुळे होत्याचे नव्हते झाल्याने शेतकरी हवालदिल झाले आहेत..रब्बीवरही संकटमागील वर्षापेक्षा यंदा समाधानकारक पाऊस झाला. शेतात पिकेही जोमाने उभी होती. कापसाचा पेरा तसेच मकाही शेतकऱ्यांनी पेरला. मात्र, सप्टेंबर व ऑक्टोबरच्या अवकाळी पावसामुळे खरीप हंगाम पूर्णपणे वाया गेला. त्याची भर रब्बी हंगामात निघेल, या आशेने शेतकऱ्यांनी जोमाने शेती मशागत केली. ऐन कापणीच्या काळात झालेल्या वादळी वाऱ्यामुळे व काही ठिकाणी पावसामुळे ज्वारी, बाजरी, मका, गहू व हरभरा या पिकांचे मोठ्या प्रमाणात नुकसान झाले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
