Crop Damage Compensation : उत्तर महाराष्ट्र, मराठवाडा आणि विदर्भात अवकाळी पावसामुळे पिकांचे मोठे नुकसान झाले आहे. मुख्यमंत्र्यांनी संपूर्ण सर्वेक्षणाचे आदेश दिले असून, अहवालानंतर नुकसान भरपाई देण्याबाबत निर्णय घेतला जाईल, अशी माहिती महसूलमंत्री चंद्रशेखर बावनकुळे यांनी गुरुवारी (दि. २ एप्रिल) नागपूरमध्ये बोलताना दिली. .कालच्या मंत्रिमंडळ बैठकीतही मुख्यमंत्री देवेंद्र फडणवीस यांनी शेतकऱ्यांना नुकसान भरपाई देण्याबाबत मुख्य सचिवांना आदेश दिले आहेत. सर्वेक्षण करुन शेतकऱ्यांना नुकसान भरपाई देण्यासाठी शासन निर्णय घेईल, असेही ते म्हणाले..राज्यातील अनेक भागात बुधवारी अवकाळी पाऊस आणि गारपिटीचा तडाखा बसला. यामुळे गहू, मका आणि ज्वारीचे उभे पीक आडवे झाले. कांदा, टोमॅटोचेही नुकसान झाले आहे. यामुळे शेतकरी हतबल झाला असून त्याच्याकडून भरपाईची मागणी केली जात आहे. .Unseasonal Rain Crop Damage: 'अवकाळी'नं गहू, मका, ज्वारी पीक जमीनदोस्त, कांद्याची पोती भिजली, 'जगायचं कसं?' शेतकऱ्यांचा आर्त सवाल.अपात्र लाडक्या बहिणींसाठी सरकारचे २१ हजार कोटी पाण्यात गेले असल्याची माहिती पुढे आली आहे. यावर बोलताना मंत्री बावनकुळे म्हणाले की, काही लोकांनी योजनेचा गैरफायदा घेतला असेल तर शासन याचा शोध घेईल. त्या आता अपत्रा झाल्या असतील तर त्यांना आता लाभ मिळणार नाही. .Wheat Crop Damage : गव्हाला अवकाळी पावसाचा फटका; उत्पादनात घट होण्याची शक्यता.खतांचे वेळेवर वितरण करण्याचे कृषिमंत्र्यांचे निर्देश दरम्यान, कृषिमंत्री दत्तात्रय भरणे यांनी, खरीप हंगाम २०२६ च्या पार्श्वभूमीवर राज्यातील खतांची उपलब्धता आणि नियोजनासंदर्भात सविस्तर आढावा घेण्यासाठी मंत्रालयात बुधवारी बैठक घेतली. या बैठकीत युरिया आणि डीएपी खतांचा एप्रिल मे महिन्यात पुरेसा आरक्षित साठा तयार ठेवण्याचे तसेच तालुकानिहाय नियोजन करून खतांचे वेळेवर वितरण करण्याचे त्यांनी निर्देश दिले आहेत..खत वितरण प्रक्रिया अधिक पारदर्शक आणि शिस्तबद्ध राहावी यासाठी पॉस मशीनद्वारे रिअल टाईम विक्री, जिल्हानिहाय वाटपाचे काटेकोर पालन आणि साठा व्यवस्थापनाबाबतही त्यांनी स्पष्ट सूचना दिल्या असल्याचे त्यांनी म्हटले आहे. तसेच कोणत्याही विक्रेत्याने खतांसोबत इतर उत्पादने घेण्याची सक्ती करू नये, अन्यथा कडक कारवाई करण्यात येईल, असेही त्यांनी स्पष्ट केले..शेतकऱ्यांना वेळेवर व पुरेसा खत पुरवठा मिळावा, यासाठी शासन पूर्णपणे कटिबद्ध असून यंत्रणा सज्ज ठेवण्यावर भर देण्यात आला, असे त्यांनी नमूद केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
