Jalgaon News : खानदेशात पावसाने हानी सुरूच आहे. मका, ज्वारी, कापूस पिकांची मोठी नासाडी झाली आहे. मागील चार ते पाच दिवसांत खानदेशात अनेक भागात पाऊस झाला आहे. पावसामुळे सर्वत्र नुकसान होत आहे. वेचणीवर आलेल्या कापूस पिकातही नुकसान होत आहे. .बोंडे ओली होऊन ती काळवंडू लागली आहेत. ती वेचणी करून लागलीच वाळवावी लागतात, पण पावसाळी वातावरण असल्याने त्यांची वाळवणूकही करता येत नाही, अशी स्थिती आहे. खानदेशात सुमारे सात ते आठ हजार हेक्टरवरील वेचणीवर आलेला कापूस, सुमारे चार, २५ हजार हेक्टरवरील मका आणि सुमारे १० ते ११ हजार हेक्टरवरील मळणीवर आलेली ज्वारीची नासाडी मागील पावसाने झाली आहे. .Rain Crop Damage : पश्चिम विदर्भात जोरदार पावसाने कापूस, सोयाबीनचे नुकसान.मागील आठवड्यात जळगाव, चोपडा, धरणगाव, एरंडोल, जामनेर आदी भागात पाऊस झाला. पीक कापणी, मळणी, काढणीची कामे ठप्प झाली आहेत. शेतीकामे उरकू शकत नाहीत. फवारणीही करू शकत नाहीत, अशी स्थिती आहे. कारण पाऊस सुरूच आहे. काही भागात तुरळक, हलका पाऊस झाला आहे..Crop Damage Compensation : अतिवृष्टीचे २८७ कोटी ३४ लाख रुपये अनुदान वाटप.नंदुरबारातही अडथळेनंदुरबार जिल्ह्यात मागील आठवड्यात पाऊस झाला. नंदुरबार व नवापूर भागात हलका ते तुरळक पाऊस झाला. रविवारी (ता. २६) देखील काही भागात मध्यम व काही भागात तुरळक पाऊस झाला. यामुळे बाजार समितीत व्यवहार ठप्प झाले आहेत. धुळ्यातही रविवारी दुपारी काही भागात पाऊस झाला. .साक्रीमधील पिंपळनेर व परिसराला पावसाचा फटका बसला. जळगाव जिल्ह्यातही रविवारी रात्री सायंकाळी पाचोरा, जामनेर भागात पाऊस झाला. यात मका, कापसाचे अधिकचे नुकसान होत आहे. खानदेशात काही भागात सप्टेंबरमध्ये नुकसानीसंबंधी पंचनामे झाले. पण ओला दुष्काळ सरसकट जाहीर करा, अशी मागणी दुर्लक्षित आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
