Jalgaon News : जिल्ह्यात जळगाव, पाचोरा, भडगाव, एरंडोल, जामनेर तालुक्याला उन्हाळ्यात अनेकदा तुफान वादळी-वाऱ्यासह पावसाने चांगलेच झोडपून काढले. या अवकाळी पावसामुळे शेतामधील उभी केळी तर आडवी झालीच शिवाय लिंबूसह मका, ज्वारी, गहू आदी उन्हाळी पिकांचे मोठे नुकसान झाले होते. .नुकसानीचे पंचनामे झाले, परंतु भरपाई केव्हा मिळेल, असा मुद्दा शेतकरी उपस्थित करीत आहेत. काहींच्या घरांवरील पत्रे उडून गेल्याने घरातील जीवनावश्यक वस्तूंसह अन्य सामानही ओलेचिंब झाले होते. .Rain Crop Damage : सातारा जिल्ह्यात अतिवृष्टीने ४२०४ हेक्टरची हानी.जामनेर तालुक्यातील खडकी-बोरगाव, महुखेडा, लोणी, गोरनाळे, आमखेडा, सावरला, तळेगाव आदी गावांना या अचानक आलेल्या अवकाळी पावसामुळे मोठ्या प्रमाणात फटका बसला होता. जळगाव, पाचोरा, एरंडोल आदी भागातही अनेक गावांत नुकसान झाले. एरंडोलातील उत्राण गावास मोठा फटका वादळी पावसात मे व जूनमध्ये बसला होता. .Rain Crop Damage : अतिवृष्टीमुळे ८ हजार ७३९ हेक्टर जमिनीचे नुकसान.८ ते ११ एप्रिल या कालावधीत मोठा वादळी पाऊस जामनेर भागात झाला होता. जामनेर शहरातही पावसाने झोडपले होते. पावसाने झालेल्या नुकसानीचे पंचनामे तातडीने पूर्ण करण्याचे आदेश होते. यानंतर पंचनामे झाले. या झालेल्या नुकसानीची राज्य शासनाने दखल घेतली..अमळनेरातही नुकसानअमळनेर, यावल या भागातही एप्रिल ते मे या कालावधीत गारपीट, वादळी पाऊस झाला होता. सलग तीन- चार दिवस पाऊस, वादळ झाले. यात पिकांची मोठी हानी झाली आहे. पंचनामेही तीन दिवस सुरूच होते. पंचनामे पूर्ण करून अहवाल प्रशासनाने सादर केला आहे. पुढे नुकसानग्रस्तांना भरीव मदत मिळावी, अशी मागणी करण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
