New Delhi News: केंद्रीय अर्थमंत्री निर्मला सीतारामन यांनी रविवारी (ता.१) सादर केलेल्या अर्थसंकल्पात कृषी क्षेत्रासाठी एक महत्त्वाकांक्षी डिजिटल पाऊल उचलल्याची घोषणा केली. सरकारकडून ‘भारत विस्तार’ नावाचा बहुभाषिक कृत्रिम बुद्धिमत्ता (एआय) आधारित प्लॅटफॉर्म सुरू करण्यात येणार असून, याद्वारे शेतकऱ्यांपर्यंत अचूक माहिती पोहोचविता येणार असल्याचे त्यांनी सांगितले..‘भारत विस्तार’ या डिजिटल उपक्रमाअंतर्गत केंद्र सरकारच्या अॅग्रीस्टॅक पोर्टलला भारतीय कृषी संशोधन परिषदेच्या (आयसीएआर) संशोधनावर आधारित शिफारशींशी जोडले जाणार आहे. या एकत्रीकरणामुळे शेतकऱ्यांना त्यांच्या प्रदेशानुसार, पिकांच्या गरजेनुसार आणि स्थानिक हवामानानुसार अचूक कृषी मार्गदर्शन एकाच प्लॅटफॉर्मवर उपलब्ध होणार आहे..Union Budget 2026: निविष्ठा उद्योगातून नाराजीचाच सूर.या प्लॅटफॉर्मद्वारे कृत्रिम बुद्धिमत्तेच्या मदतीने पीक स्थिती, मातीचा प्रकार, हवामान बदल आणि शेतीसंबंधी इतर महत्त्वाच्या डेटाचे विश्लेषण केले जाणार आहे. तसेच वैज्ञानिक माहिती शेतकऱ्यांना सहज समजणार आहे..Union Budget 2026: शेती बेदखलच!.अर्थसंकल्पातील या घोषणेवर बोलताना क्रॉपलाइफ इंडियाचे अध्यक्ष अंकुर अग्रवाल यांनी म्हटले आहे, की ॲग्रीस्टॅकच्या डिजिटल शेतकरी नोंदींना आयसीएआरच्या शेती पद्धतींसह एकत्रित केल्यास, शेतपिकांबाबत अधिक अचूक आणि योग्य वेळी निर्णय घेण्यास मदत होऊ शकते. डिजिटल तंत्रज्ञानाच्या सहाय्याने शेती अधिक उत्पादनक्षम आणि नफ्याची करण्याच्या दिशेने हा उपक्रम मैलाचा दगड ठरेल, असेही अर्थमंत्र्यांनी स्पष्ट केले..निर्णयक्षमता वाढवण्यावर भरअॅग्रीस्टॅकवरील डिजिटल शेतकरी नोंदी एकत्र केल्याने, शेतकऱ्यांना योग्य वेळी योग्य निर्णय घेणे अधिक सुलभ होणार आहे. पीक नियोजन, खत व्यवस्थापन, रोग नियंत्रण आणि उत्पादन वाढ यांसारख्या बाबींमध्ये हा प्लॅटफॉर्म महत्त्वाची भूमिका बजावेल, असा सरकारचा विश्वास आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
