'प्रति थेंब अधिक पीक’ योजनेच्या मार्गदर्शक तत्त्वांमध्ये सुधारणाआता राज्ये, केंद्रशासित प्रदेशांना त्यांच्या गरजेनुसार, शेततळे, वॉटर हार्वेस्टिंगसाठी योजना आखू शकतीलखर्चावर असलेला मर्यादा हटवली.Per Drop More Crop scheme: सूक्ष्म सिंचन आणि जलसंवर्धन प्रकल्पांना प्रोत्साहन देण्यासाठी केंद्रीय कृषी मंत्रालयाने 'प्रति थेंब अधिक पीक’ (Per Drop More Crop) योजनेच्या मार्गदर्शक तत्त्वांमध्ये सुधारणा केल्या आहेत. नवीन धोरणांतर्गत, आता राज्ये आणि केंद्रशासित प्रदेश स्थानिक गरजेनुसार, शेततळे आणि वॉटर हार्वेस्टिंग प्रणालीसारख्या सूक्ष्म-स्तरीय जल व्यवस्थापन उपक्रमांच्या योजना आखू शकतील, असे मंत्रालयाने जारी केलेल्या एका निवेदनात म्हटले आहे..या प्रणाली वैयक्तिकरित्या शेतकऱ्यांसाठी तसेच सामुदायिक वापरासाठी विकसित करता येतील; जेणेकरुन सूक्ष्म सिंचनासाठी पाण्याची शाश्वत उपलब्धता सुनिश्चित होईल. याआधी, अशा उपक्रमांसाठी निधी प्रत्येक राज्य आणि केंद्रशासित प्रदेशासाठी एकूण वाटपाच्या २० टक्के होता. तसेच ईशान्येकडील राज्ये, हिमालयीन राज्ये आणि जम्मू आणि काश्मीर, लडाख या केंद्रशासित प्रदेशांसाठी ४० टक्के एवढा निधी मर्यादित स्वरुपात होता..Agriculture Scheme: केंद्र सरकारकडून ठिबक, तुषार सिंचनासाठी मिळणार ५५ टक्क्यांपर्यंत अनुदान.खर्चावर असलेला मर्यादा हटवली"आता, राज्ये आणि केंद्रशासित प्रदेशांना त्यांच्या विशिष्ट गरजेनुसार या मर्यादेच्या पलीकडे जाण्यासाठी अधिक लवचिकता देण्यात आली आहे. याचा अर्थ असा की राज्यांना त्यांची स्थानिक गरज लक्षात घेऊन आणि प्राधान्यांनुसार या मर्यादेपेक्षा जास्त निधी खर्च करता येणार आहे. .Irrigation Project: विदर्भ व तापी खोऱ्यातील सिंचन प्रकल्प वेगाने पूर्ण करा; गिरीश महाजनांचे आदेश.शेतकऱ्यांना सूक्ष्म सिंचनाचा वापर करण्यासाठी मदत करणे, पाणी वापराची कार्यक्षमता सुधारणे आणि या माध्यमातून शेतमाल उत्पादकता आणि उत्पन्न वाढवणे हा या उपक्रमाचा उद्देश आहे. तसेच पाण्याच्या प्रत्येक थेंबाचा योग्य वापर होईल. यामुळे दुष्काळ आणि अनियमित पावसाच्या भागातही शेतकऱ्यांना शाश्वत सिंचन उपलब्ध होण्यास मदत मिळणार आहे..पंतप्रधान कृषी सिंचन योजनेचा (PMKSY) एक प्रमुख घटक म्हणून 'प्रति थेंब अधिक पीक' योजना २०१५ मध्ये सुरू करण्यात आली होती. महाराष्ट्रात २०१५-१६ पासून याची अंमलबजावणी करण्यात येत आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
