Cooperative Bank Reform: विविध बॅंका ठेवीदारांशी वाटाघाटी करतात व वेगळे व्याजदर लावतात. तसेच, शाखानिहायदेखील व्याजदर वेगळे देण्याची पद्धत आहे. असमान व्याज देण्याच्या या पद्धतीला आळा घालणे व पारदर्शकता आणण्याची गरज होती. त्यामुळेच ऑक्टोबरपासून समान व्याजदर प्रणाली लागू होत आहे, असे महाराष्ट्र राज्य सहकारी (शिखर) बॅंकेचे प्रशासक विद्याधर अनास्कर यांनी सांगितले..राष्ट्रीयीकृत बॅंकांसह सर्व सहकारी बॅंकांमधील ठेवींचे व्याजदर एक ऑक्टोबरपासून समान पातळीवर आणले जाणार आहेत. राज्यातील एका खासगी बँकेने मोठ्या ठेवी मिळवण्यासाठी राज्य रस्ते विकास महामंडळाला नियमित व्याजदरापेक्षा जादा व्याजदर आणि परतावा दिल्याचा आरोप झाला होता..Farm Loan Waiver GR: कर्ज २ लाखांपेक्षा जास्त असेल तर माफ होणार का?; 'एकवेळ समझोता' योजना काय आहे?.ठेवींवरील व्याजदर संकेतस्थळांवर अगोदरच जाहीर करण्याचे व त्यानुसारच ठेवी स्वीकारण्याचे बंधन बँकांना आहे. मोठ्या ठेवींच्या (बल्क) बाबतीत व्याजदर रोज बदलता येतात. परंतु, हा व्याजदरदेखील बँकांना रोज सकाळी जाहीर करावा लागतो..Bank Employees Demand: पाच दिवसांचा बँकिंग आठवडा करण्याची मागणी.जाहीर केलेले व्याजदर सर्व शाखांसाठी व सर्व ग्राहकांसाठी समान लागू करण्याचे निर्देश रिझर्व बँकेने दिले आहेत. तसेच एकाच दिवशी बँकेच्या कोणत्याही कार्यालयात स्वीकारलेल्या समान रक्कमेच्या ठेवींवर दिल्या जाणाऱ्या व्याजदरात बँकांना कोणताही भेदभाव करता येणार नाही, रिझर्व बँकेने स्पष्ट केले आहे..मोठ्या ठेवींच्या रोखीकरणाच्या मुदतीवर बँकांना वेगवेगळे व्याजदर ठेवण्याची मुभा आहे. मात्र, आता ठेवींवरील व्याजदराबाबत बँकांना भेदभाव करता येणार नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
