सचिन लोंढे : सकाळ वृत्तसेवा Water Wastage: उजनी धरणाचे पाणी राखीव ठेवण्याची गरज असताना केवळ राजकीय दबावापोटी पिण्याच्या पाण्याच्या नावाखाली त्याचा अपव्यय सुरू आहे. सध्या कडक उन्हात पिके तहानलेली आहेत. असे असताना पाणी सोडले जात आहे, असा आरोप करत धरणग्रस्त शेतकऱ्यांनी नाराजी व्यक्त केली. नऊ दिवसांत धरणातील नऊ टीएमसी पाण्याचा वापर झाला आहे. .धरणातून गेल्या काही दिवसांपासून थेट भीमा नदीपात्रात पाणी सोडून देण्यात येत आहे. पावसाळ्यानंतर नदीत पाणी सोडण्याची कोणतीही कायदेशीर तरतूद नसताना, केवळ नेत्यांची ‘व्होट बँक’ सांभाळण्यासाठी अधिकारी कंबर कसत असल्याने धरणग्रस्त संतप्त झाले आहेत..Ujani Dam Water Release: उजनीचे पाणी आळगे-खानापूरमार्गे हिळ्ळी बंधाऱ्याकडे.धरणग्रस्तांनी धरणासाठी जमिनींचा त्याग केला, त्यांच्याच शेतीचे आता वाळवंट होण्याची परिस्थिती निर्माण झाल्याचे त्यांनी स्पष्ट केले..उपयुक्त पाणीसाठा संपुष्टातधरणग्रस्तांच्या हक्काचे पाणी राखून ठेवूनच उपलब्ध पाणी साठ्याचे वाटप होणे गरजेचे आहे. मात्र, दरवर्षी धरणातील मृत साठ्यातील देखील पाण्याचा वापर केला जात आहे. सध्या उपयुक्त पाणीसाठा संपुष्टात आला आहे. दरम्यान, सध्या नऊ हजार ८१० क्युसेकने धरणातील पाण्याचा वापर सुरू आहे..Ujani Water Dam: उजनी धरणातून एप्रिलअखेर भीमा नदीत पाणी सोडणार.पाणी राखीव ठेवण्याची मागणीसध्या उपयुक्त साठ्यात केवळ पाच टक्के पाणी उपलब्ध आहे. येत्या दोन ते तीन दिवसांत धरण मृत साठ्यात प्रवेश करणार आहे. पावसाने ओढ दिल्यास मृत साठ्यातील राखीव पाणी उपयोगी पडणार आहे. भविष्यातील पाणीटंचाई लक्षात घेऊन पाणी राखीव ठेवण्याची मागणी होत आहे..उजनी धरणातून वारंवार नदीत पाणी सोडण्याचा प्रकार बेकायदा आहे. यासाठी नेत्यांची आग्रही मागणी असते. याचा मोठा फटका धरणग्रस्त शेतकऱ्यांना बसण्याची बसतो. सध्या पाणलोट क्षेत्रातील विद्युतपंपाच्या फुटव्हाॅल्व्हचे पाणी दुरावले आहे. यामुळे शेतकऱ्यांना वाढीव पाईप व केबलवर खर्च करावा लागत आहे.- गणेश काळे, धरणग्रस्त शेतकरी, पळसदेव (ता. इंदापूर).नदीपात्रात पाणी सोडून देण्यात आल्याने पाणीसाठा कमालीचा घटला आहे. पिण्याच्या पाण्याचे कारण पुढे करून प्रत्यक्षात राजकारण साधले जात आहे. ही संपूर्ण प्रक्रिया बेकायदा असून, यामुळे धरणग्रस्त शेतकऱ्यांच्या तोंडचा घास हिरावला जात आहे.- भूषण काळे, संचालक, कर्मयोगी साखर कारखाना.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
