Agriculture Losses: पुणे जिल्ह्यातील घाटमाथ्यावर झालेल्या दमदार पावसामुळे उजनी धरणाच्या पाणीपातळीत झपाट्याने वाढ झाली आहे. यामुळे धरणाच्या पाणलोट क्षेत्रात शेतकऱ्यांनी केलेली गाळपेरणीची चारा पिके व भाजीपाला पाण्याखाली गेल्याने मोठे नुकसान झाले असून, जनावरांच्या चाऱ्याचा प्रश्न गंभीर बनला आहे..इंदापूर तालुक्यात पावसाने ओढ दिली असली तरी, उजनीच्या पाणलोट क्षेत्रात झालेल्या पावसामुळे धरणात पाण्याची मोठी आवक झाली आहे. पंधरा दिवसांपूर्वी मृत साठ्यात असलेले धरण आता उपयुक्त साठ्यात आले आहे. .Crop Damage: हातातोंडाशी आलेली पिके वाया जाण्याच्या मार्गावर.या काळात धरणात सुमारे ४० टीएमसीहून अधिक पाणी जमा झाले. दरवर्षी जून महिन्यात पाण्याची पातळी हळूहळू वाढत असल्याने, तोपर्यंत गाळपेरणीतील कडवळ, मका, बाजरी, भुईमूग, भाजीपाला यांसारखी पिके हाती येतात. यातून जनावरांच्या चाऱ्याची सोय होऊन शेतकऱ्यांना आर्थिक हातभार लागतो..Unseasonal Rain: पूर्वमोसमी पावसाने पिकांचे मोठे नुकसान.मात्र, यंदा घाटमाथ्यावरील पावसाने शेतकऱ्यांचा हा अंदाज चुकवला. अचानक वाढलेल्या पाण्यामुळे काढणीला आलेली उभी पिके पूर्णपणे पाण्याखाली गेली आहेत. यामुळे शेतकऱ्यांचे दुहेरी नुकसान झाले आहे. एकीकडे खरीप पेरणीसाठी पावसाची प्रतीक्षा आहे, तर दुसरीकडे हाताशी आलेले पीक पाण्यात गेल्याने आर्थिक संकट ओढवले आहे. या नुकसानीमुळे चाऱ्याच्या दरात मोठी वाढ झाली असून, पूर्वी प्रति गुंठा १५०० ते १८०० रुपयांना मिळणारा चारा आता २००० ते २२०० रुपयांवर पोहोचला असल्याचे शेतकरी सांगतात..जून महिन्याच्या अखेरीस उजनी धरण मृत साठ्यात होते, त्यामुळे पात्र कोरडे पडले होते. मात्र, जुलैच्या पहिल्या पंधरवड्यात पाणलोट क्षेत्रात झालेल्या मुसळधार पावसामुळे धरणात तब्बल ४० टीएमसी पाण्याची आवक झाली. या अनपेक्षित आणि वेगवान पाणीवाढीमुळे गाळपेरणी केलेल्या शेतकऱ्यांना पिके वाचवण्यासाठी कोणतीही संधी मिळाली नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
