Sangli News: सांगली जिल्ह्यात २०२५-२६ मध्ये महाडीबीटी प्रणालीद्वारे कृषी यांत्रिकीकरण योजनेतून विविध घटकांसाठी २ हजार २६७ शेतकऱ्यांना १० कोटी ६५ लाखांचे अनुदान दिले आहे. या शेतकऱ्यांनी या अंतर्गत शेतकऱ्यांना ट्रॅक्टर, हार्वेस्टर, स्प्रे पंप, पॉवर टिलर, रोटाव्हेटर, पेरणी यंत्र, ड्रोन यासह इतर प्रकारची अवजारे खरेदी केली आहेत..गेल्या पाच वर्षांत १५ हजार २५ शेतकऱ्यांना कृषी विभागाकडून ७७ कोटी ५९ कोटींचे अनुदान वितरित करण्यात आले आहे.कृषी विभागाकडून कृषी यांत्रिकीकरण योजना गतीने राबविण्यात येत आहे..राज्य पुरस्कृत ‘कृषी यांत्रिकीकरण’, ‘उपअभियान कृषी यांत्रिकीकरण’तर ‘आरकेव्हीवाय’ अशा योजनांमधून शेतकऱ्यांना यांत्रिकीकरणाचा लाभ मिळत आहे. यांत्रिकीकरण योजनेसाठी विविध प्रवर्गानुसार अवजारांसाठी अनुदानाची टक्केवारी ठरवून दिली आहे. .Farming Mechanization: सातारा जिल्ह्यात कृषी यांत्रिकीकरणातून तीन हजार शेतकऱ्यांना लाभ.शेतकऱ्यांनी कृषी यांत्रिकीकरणाची योजनेचा लाभ घ्यावा यासाठी जनजागृतीही केली आहे. त्यामुळे शेतकरी विविध योजनेतील यांत्रिकीकरणाचा लाभ घेण्यासाठी पुढाकार घेतला असल्याचे चित्र आहे. जिल्ह्यात गेल्या पाच वर्षांत १५ हजार २५ शेतकऱ्यांनी विविध योजनांसाठी लाभ घेतला आहे. या योजनेतून शेतकऱ्यांची विविध घटकांसाठी महाडीबीटी प्रणालीद्वारे निवड झाली आहे. .Farm Mechanization Committee: कृषी यांत्रिकीकरणासाठीची जिल्हास्तरीय समिती बरखास्त.निवड झालेल्या शेतकऱ्यांमध्ये ट्रॅक्टर, पॉवर टेलर, पलटी नांगर, चाफकटरला शेतकऱ्यांनी मोठी पसंती दिली आहे. २०२५-२६ अर्थात डिसेंबर अखेर २ हजार २६७ शेतकऱ्यांनी या योजनेचा लाभ घेतला आहे. या योजनेतून १० कोटी ६५ लाखांचे अनुदान त्यांना वितरित करण्यात आले आहे. .या वर्षात राज्य पुरस्कृत कृषी यांत्रिकीकरण या योजनेत सर्वाधिक शेतकऱ्यांना लाभ मिळाला आहे. वास्तविक पाहता, गेल्या पाच वर्षांत याच योजनेत सहभागी होण्यासाठी शेतकऱ्यांची पसंती आहे. तर आरकेव्हीवाय या योजनेत शेतकऱ्यांचा सहभाग कमी असल्याचे चित्र आहे..या योजनेअंतर्गत पाच वर्षांत मोठ्या प्रमाणात शेतकऱ्यांची निवड झाली आहे. आधुनिक शेतीला यंत्राची जोड देण्यासाठी कृषी यांत्रिकीकरणाला शेतकऱ्यांचा उत्स्फूर्त प्रतिसाद मिळत आहे.- विवेक कुंभार, जिल्हा अधीक्षक कृषी अधिकारी, सांगली.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
