Sindhudurg News: सिंधुदुर्ग जिल्ह्यात सहा हत्तींच्या कळपासोबत वावरणारा बाहुबली टस्कर गुरुवारी (ता. ८) बांबर्डे (ता. दोडामार्ग) येथे दाखल झाला. या हत्तीने शेतकरी तुकाराम गावडे यांच्या नारळ, सुपारी, केळी बागायतीचे प्रचंड नुकसान केले. या नुकसानीमुळे गावडे कुटुंब हवालदिल झाले आहे..दोडामार्ग तालुक्यात हत्तीचे संकट दिवसेंदिवस वाढत आहे. काही दिवसांपासून सहा हत्तींचा कळप या परिसरात फिरत होता. त्यातील ओंकार नामक हत्ती कळपातून बाजूला झाला. त्यानंतर पाच हत्तींचा कळप चंदगड परिसरात काही महिने फिरू लागला..Wildlife Crop Damage: शेतात वन्यप्राण्यांचा उच्छाद, पिकांचे नुकसान.त्यांच्यानंतर ओंकार हत्तीही येथे दाखल झाला. काही दिवस हा हत्ती गोवा हद्दीत देखील फिरत होता. आता हे सारे हत्ती दोडामार्ग परिसरात धुमाकूळ घालत आहेत. त्यांच्या बरोबरीने आता बाहुबली टस्करदेखील येथे धुडगूस घालू लागला आहे..Wildlife Crop Damage: शेतात वन्यप्राण्यांचा उच्छाद, पिकांचे नुकसान.या हत्तींना पकडण्यासाठी मोहीम राबविण्यात यावी, याकरिता स्वराज्य सरपंच संघटनेचे अध्यक्ष प्रवीण गवस यांनी शेतकऱ्यांसह दोडामार्ग वनविभाग कार्यालयात मागील चार दिवसांपासून ठिय्या आंदोलन सुरू आहे. मात्र हत्तीचे संकट कमी होण्याऐवजी वाढत असल्याचे चित्र सध्या पाहायला मिळत आहे..बाहुबली टस्कराने नुकताच शेतकरी तुकाराम गावडे यांच्या फळबागायतीत प्रवेश केला. त्याने नारळ, सुपारी, केळीची कित्येक झाडे मुळासकट उखडून टाकली. यात श्री.गावडे यांचे लाखो रुपयांचे नुकसान झाले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
