Akola News: तेल्हारा तालुक्यातील शेतकऱ्यांसाठी यंदाचा हंगाम एकापाठोपाठ एक संकटे घेऊन येत आहे. सुरुवातीला झालेल्या अतिवृष्टीमुळे सोयाबीन उत्पादन मोठ्या प्रमाणात घटले. त्यामुळे शेतकऱ्यांनी तूर पिकावर आशा ठेवली होती. मात्र गेल्या आठवड्यापासून सुरू असलेल्या सातत्यपूर्ण धुक्यामुळे तुरीचे पीक वाळू लागले असून, सुमारे साडेपाच हजार हेक्टरवरील पीक धोक्यात आल्याची माहिती मिळाली आहे..तालुक्यातील अनेक शेतकऱ्यांनी तूर पिकावर मोठा खर्च करून वेळेवर फवारण्या केल्या. पिके अतिशय जोमदार दिसत असताना अचानक वातावरणातील दमटपणा व धुक्यामुळे तुरीचे पीक जागेवरच सुकण्यास सुरुवात झाली आहे..Tur Crop Pest: तूर पिकावर अळ्यांच्या प्रादुर्भावात वाढ.फुलोरा गळत असल्याने उत्पादनात मोठी घट होण्याची भीती निर्माण झाली आहे. सोयाबीन पिकाने आधीच दगा दिला असून आता तूरही हातातून जाण्याच्या शक्यतेमुळे शेतकऱ्यांमध्ये धास्तीची भावना निर्माण झाली आहे..Tur Crop Farming: देशमुख झाले तुरीतील अभ्यासू, ज्ञानी शेतकरी .सध्या तूर पीक हे शेंगा धरण्याच्या अवस्थेत आहे. या अवस्थेत पिकावर शेंगा पोखरणारी अळी तसेच शेंग माशी या किडींचा प्रादुर्भाव दिसून येतो. या किडींचा प्रादुर्भाव शेतकऱ्यांनी वेळेत रोखणे आवश्यक आहे. त्याकरिता शेतकऱ्यांनी एकात्मिक कीड व्यवस्थापन या तत्त्वांवर भर द्यावा. कामगंध सापळे, पक्षीथांबे ,जैविक नियंत्रण करावे. गरज असेल तर रासायनिक घटकांद्वारेही नियंत्रण करावे.- शुभम बुरांडे , तालुका कृषी अधिकारी, तेल्हारा.आम्ही पूर्णपणे खचून गेलो आहोत. १० एकरवरील तूर पिकावर मोठ्या प्रमाणात खर्च केला ते हातातून जवळपास गेल्यात जमा आहे. त्यामुळे पंचनामे करून नुकसानभरपाई द्यावी. या गंभीर परिस्थितीकडे कृषी विभागाचे दुर्लक्ष होत आहे.-प्रवीण पाटील, शेतकरी, तळेगाव बाजार.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
