Solapur News: सोलापूर जिल्ह्यातील सात खरेदी केंद्रांवर हमीभावाने खरेदीसाठी नोंदणी सुरू झाली आहे. मात्र, सोलापूरच्या बाजारात तुरीच्या दराने हमीभाव पार केला आहे. त्यामुळे गेल्या तीन दिवसांत खरेदी केंद्रांवर नोंदणीसाठी एकही शेतकरी फिरकला नाही. दरम्यान, खरेदीला महिनाभर झालेल्या विलंबाचा मोठा फटका शेतकऱ्यांना बसला आहे..जिल्ह्यात डिसेंबरच्या मध्यापासूनच तूर काढणीला सुरवात झाल्याने बाजारात तुरीची आवक व्हायला लागली. तेव्हा बाजारातील दरही हमीभावाच्या तुलनेत कमी होते. त्यामुळे शेतकऱ्यांना हमीभावाने खरेदीची प्रतीक्षा होती. पण हमीभावाने खरेदी सुरू न झाल्याने शेतकऱ्यांना हमीभावापेक्षा कमी दराने तूर विकावी लागली. आधीच अतिवृष्टीने नुकसानीत गेलेल्या शेतकऱ्याला याचा मोठा फटका बसला..Tur Price: तुरीचे दर कमीच; तसेच काय आहेत सोयाबीन, कापूस, पपई आणि दोडक्याचे आजचे बाजारभाव .मात्र, राज्य सरकारने तीन दिवसांपूर्वी राष्ट्रीय सहकारी ग्राहक फेडरेशनमार्फत हमीभावाने तूर खरेदीसाठी शेतकऱ्यांची नोंदणी करून घेण्याचे आदेश पणन विभागाला दिले. तुरीचा हमीभाव सध्या ८ हजार रुपये प्रतिक्विंटल आहे. गत आठवड्याच्या अखेरपासून बाजारात तुरीच्या दरात वाढ होऊ लागली आहे. सध्या सोलापूरच्या बाजारात पांढऱ्या तुरीचे दर प्रतिक्विंटल सरासरी ८ हजार ७००, काळ्या तुरीचे दर ९ हजार ५०० तर लाल तुरीचे दर ७ हजार ७६५ रुपयांवर आहेत. तर किमान दर अनुक्रमे ७ हजार २५०, ८ हजार ७०० व ७ हजार ०५० रुपये तर कमाल दर अनुक्रमे ९ हजार ०६३, ९ हजार ५०० व ९ हजार ०६३ रुपये आहेत..शुक्रवारी (ता. ३०) बाजारात तुरीची १ हजार १४४ क्विंटल आवक होती. तुरीच्या दराने हमीभाव पार केल्याने जिल्ह्यात तूर खरेदीसाठी नोंदणी सुरू झालेल्या सात केंद्रांवर गेल्या तीन दिवसांत एकही शेतकरी फिरकला नाही. परिणामी, एकाही शेतकऱ्याने नोंदणी न केल्याचे पणन विभागाच्या अधिकाऱ्यांनी सांगितले..मंगळवारी राज्य सरकारने हमीभावाने तूर खरेदीसाठी शेतकऱ्यांकडून नोंदणी करून घेण्याचे आदेश दिले आहेत. जिल्ह्यातील सात केंद्रांवर तुरीची खरेदी होणार आहे. मात्र, अद्याप एकाही शेतकऱ्याने नोंदणी केली नाही. खुल्या बाजारात तुरीचे दर वाढल्याने शेतकऱ्यांकडून प्रतिसाद नाही. तर जिल्ह्यासाठी खरेदीचे उद्दिष्ट दोन दिवसांत मिळणार आहे.- मनोज वाजपेयी, जिल्हा पणन अधिकारी, सोलापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
