Vidarbha Farmers Protest: क्रांतिकारी शेतकरी संघटनेचे अध्यक्ष रविकांत तुपकर यांनी बुलडाणा येथे सुरू केलेले बेमुदत अन्नत्याग आंदोलन दुसऱ्या दिवशीही मंगळवारी (ता. १६) सुरूच आहे. या आंदोलनाला बुलडाणा, वाशीम आणि हिंगोली जिल्ह्यांतील अनेक गावांमधून सरकारच्या कर्जमाफी निर्णयाच्या प्रतींची होळी करून पाठिंबा दर्शविण्यात आला आहे..सरसकट कर्जमुक्ती, हक्काचा पीकविमा आणि शेतकऱ्यांना न्याय मिळावा या प्रमुख मागण्या तुपकर यांनी केल्या आहेत. दरम्यान, बुलडाणा जिल्ह्यातील डोमरूळ, दहिद बुद्रूक, तांदूळवाडी, अटकळ, अंभोडा तसेच मेहकर येथे शेकडो शेतकरी एकत्र येऊन सरकारच्या कर्जमाफी धोरणाचा निषेध केला. मेहकर तहसील कार्यालयासमोर क्रांतिकारी शेतकरी संघटनेचे जिल्हाध्यक्ष डॉ. ज्ञानेश्वर टाले यांच्या नेतृत्वाखाली आंदोलन करण्यात आले..Farm Loan Waiver: कर्जमाफीच्या निकषांवरून आज वर्ध्यात आंदोलन.वाशीम जिल्ह्यातील अडोळी येथे आंदोलनाला पाठिंबा दर्शवीत एका शेतकऱ्याने स्वतःची दुचाकी पेटवून सरकारच्या निष्क्रियतेविरोधात संताप व्यक्त केला. या घटनेमुळे परिसरात मोठी चर्चा रंगली..Loan Waiver Policy Issue: कर्जमाफी नव्हे, ही तर ‘वन टाइम सेटलमेंट’ योजना.तर हिंगोली जिल्ह्यातील सेनगाव तालुक्यातील धनगरवाडी येथेही शेतकऱ्यांनी कर्जमुक्तीची मागणी लावून धरली. धनगरवाडी येथील आंदोलनात सरपंच विनोद विरकर, तंटामुक्ती अध्यक्ष सुरेश खडसे यांच्यासह गावातील अनेक शेतकरी सहभागी झाले होते..दरम्यान तुपकर म्हणाले, की लाखो शेतकऱ्यांना कर्जमाफीच्या लाभापासून वंचित ठेवणारे शासनाचे धोरण आहे. शेतकऱ्यांच्या अपेक्षांची पूर्तता करणारा निर्णय शासनाने तातडीने घ्यावा, अन्यथा राज्यभर संघर्ष अधिक तीव्र करण्यात येईल, असा इशाराही त्यांनी दिला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.