Chandrapur News : आदिवासींसाठी योजना असल्याची बतावणी करून कागदपत्रे घेत त्यांच्या नावावर कर्जाची उचल करण्यात आली. या संपूर्ण प्रकरणात बँकेचे अधिकारी तथा अन्य लोक सहभागी असल्याचा आरोप भाजपच्या ज्येष्ठ नेत्या शोभा फडणवीस, माजी आमदार ॲड.संजय धोटे यांनी पत्रपरिषदेत केला. .करोना संक्रमण काळातील हे प्रकरण आहे. फसवणूक झालेले सर्व कोलाम आदिवासी भूमिहीन आहेत. तेथीलच एक दलाल विनायक राठोड याने या सर्व आदिवासी बांधवांना पंतप्रधान नरेंद्र मोदी यांच्या नावाने केंद्र सरकारने आदिवासी समाजासाठी एक योजना सुरू केली असल्याचे सांगितले. या योजनेत आदिवासींना रोख रक्कम मिळणार आहे. .Crop Loan : बँकांनी सर्व कर्जाचे उद्दिष्ट निर्धारित वेळेत पूर्ण करावे.आधार कार्ड आणि दोन छायाचित्र द्या, या योजनेचा लाभ तुम्हाला मिळवून देतो असे सांगून फसवणूक केली. या कागदपत्रांद्वारे विनायक राठोड याने गडचांदूर येथील विदर्भ कोकण ग्रामीण बँकेतून किमान १०० आदिवासींच्या नावावर पीककर्जाची उचल केली. त्यातील केवळ दहा हजाराची रक्कम आदिवासींना दिली. .Crop Loan : पीक कर्ज वितरणात राष्ट्रीयीकृत बँका मागे .याप्रकरणाची तक्रार करण्यात आली. पोलिसांनी विनायक राठोड याच्याविरूध्द गुन्हा दाखल केला. त्यानंतर राठोड हा जामिनावर सुटला. मात्र पीककर्ज वसुलीच्या नोटीस बँकेने आदिवासींना पाठविल्या आहेत. जिवती तालुक्यात ऑनलाइन सातबारा मिळत नाही. .तसेच ज्या नोंदीच्या सातबारावर पीककर्जाची उचल केली आहे, त्या जमिनीचे क्रमांक शासनाच्या यादीतच नाही. उपविभागीय अधिकाऱ्यांनी कागदपत्रांची पडताळणी केली असता जमिनीचे क्रमांक खोटे असल्याचे स्पष्ट झाले. या प्रकरणातील मुख्य सूत्रधार विनायक राठोड तसेच त्याच्या सहकाऱ्यांना कडक शिक्षा करावी अशी मागणी श्रीमती फडणवीस, माजी आमदार ॲड.धोटे यांनी केली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
