Chh. Sambhajinagar News : आदिवासी विकास विभागाच्या योजनांची अंमलबजावणी अधिक प्रभावी व पारदर्शक पद्धतीने करा, असे निर्देश आदिवासी विकास मंत्री प्रा. डॉ. अशोक उईके यांनी संबंधित यंत्रणांना दिले. .मंत्री डॉ. उईके यांनी प्रधानमंत्री जनधन योजना व प्रधानमंत्री धरती आबा ग्राम उत्कर्ष अभियान योजना, शबरी आदिवासी घरकुल योजना, आदींसह आदिवासी विकास विभागाच्या विविध योजनांचा आढावा घेतला..Tribal Development : ‘शबरी’च्या प्रशिक्षणार्थींना ‘आरसेटी’चे बळ.या बैठकीला खासदार संदीपान भुमरे, आमदार भीमराव केराम, आमदार संजना जाधव, विभागीय आयुक्त जितेंद्र पापळकर, जिल्हाधिकारी दिलीप स्वामी, जिल्हा परिषदेचे मुख्य कार्यकारी अधिकारी श्री अंकित, आदिवासी विकास विभागाचे अपर आयुक्त जितेंद्र चौधरी, चेतना मोरे आदी बैठकस्थळी तर दुरदृष्यप्रणालीद्वारे विभागातील जिल्हाधिकारी, जिल्हा परिषदेचे मुख्य कार्यकारी अधिकारी तसेच प्रकल्प अधिकारी उपस्थित होते..मंत्री डॉ. उईके म्हणाले, की देशातील आदिवासी बांधवांच्या आर्थिक व सामाजिक विकासासाठी धरती आबा जनजाती ग्राम उत्कर्ष अभियान ही योजना पंतप्रधान नरेंद्र मोदी यांनी सुरू केली. देशातील आदिवासी भागांमध्ये सेवा व पायाभूत सुविधा देणे हे या योजनेचे उद्दिष्ट आहे. आदिवासी बांधवांना शेवटच्या घटकापर्यंत विविध योजनांचा लाभ पोचविण्यासाठी गावनिहाय नियोजन करा. .Tribal Development : आदिवासींच्या सर्वांगीण विकासासाठी वनहक्क कायदा.आदिवासी आश्रम शाळांमधील विद्यार्थ्यांना मिळणाऱ्या निवास, भोजन, शिक्षण, शिष्यवृत्ती योजना व अन्य मूलभूत सुविधांचा लाभ विद्यार्थ्यांपर्यत पोहचावाव यासाठी नियोजनपूर्वक या योजनांची अंमलबजावणी करा, असे निर्देशही त्यांनी दिले. यावेळी विभागातील जिल्हानिहाय, जिल्हाधिकारी व जिल्हा परिषदेचे मुख्य कार्यकारी अधिकारी यांनी आपल्या जिल्ह्यात राबविण्यात आलेल्या विविध योजनांची माहिती दिली..जिल्हा प्रकल्प अधिकारी चेतना मोरे यांनी आदिवासी विकास विभागाच्या माध्यमातून राबविण्यात येत असलेल्या योजनांबाबत माहिती दिली. एकात्मिक आदिवासी विकास प्रकल्प अंतर्गत शासकीय आश्रमशाळा वडनेर (ता. कन्नड) व शासकीय आश्रमशाळा सुरूडी येथील नूतन शालेय इमारतीचे आभासी पद्धतीने लोकार्पण करण्यात आले..रानभाजी महोत्सवाचे उद्घाटनविभागीय आयुक्त कार्यालयात एकात्मिक आदिवासी विकास प्रकल्पाच्या माध्यमातून आदिवासी बांधवांच्या सहभागाने रानभाजी महोत्सवाचे आयोजन करण्यात आले. या रानभाजी महोत्सवाचे उद्घाटन आदिवासी विकास मंत्री डॉ. उईके यांच्या हस्ते झाले. या प्रदर्शनात पोषणमुल्यांनी भरलेल्या अनेक रानभाज्यांची माहिती देण्यात आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
