Pune News: ढासळत चाललेल्या पर्यावरणाचे संतुलन राखण्यासाठी आदिवासी विकास विभागाने पुढाकार घेतला असून, देवरायांच्या संवर्धन आणि संरक्षणासाठी पुणे जिल्ह्यातील ५ देवरायांची निवड करण्यात आली आहे. या योजनेअंतर्गत आंबेगाव, जुन्नर आणि खेड तालुक्यातील पाच गावांसाठी प्रत्येकी एक लाख रुपयांचा निधी मंजूर करण्यात आला असल्याची माहिती घोडेगाव (ता. आंबेगाव) आदिवासी विकास प्रकल्पाचे प्रकल्प अधिकारी प्रदीप देसाई यांनी दिली. .देसाई म्हणाले,‘‘ आदिवासी समाज खऱ्या अर्थाने जंगल, जमीन आणि निसर्गसंपदेचे संरक्षण व संवर्धन करत आला आहे. मात्र वाढत्या नागरीकरणामुळे जंगलक्षेत्र कमी होऊ लागले आहे आणि याचा परिणाम देवरायांवरदेखील होऊ लागला आहे. कालांतराने त्या नामशेष होण्याचा धोका निर्माण झाला आहे. जंगले कमी होऊ लागल्याने जागतिक तापमान वाढ होऊन जैवविविधता धोक्यात आली आहे..Devrai : राज्यात मानवनिर्मित देवराया उभारण्याचा निर्णय.त्यामुळे आज जंगल संवर्धन व संरक्षण ही काळाची गरज बनली आहे. म्हणून प्रकल्प कार्यालयाकडून देवराई संवर्धनाचा कार्यक्रम हाती घेण्यात आला आहे. देवराईचे पावित्र्य आणि नैसर्गिक स्वरूप टिकवून ठेवण्यासाठी प्रशासनाने काही कडक अटी घातल्या आहेत. देवराईतील प्राचीन झाडे तोडण्यास सक्त मनाई करण्यात आली असून, मृत झाडांपासूनही जैवविविधता निर्माण होत असल्याने ती काढण्यापूर्वी गावातील समितीचा सल्ला घेणे बंधनकारक आहे. तसेच, संपूर्ण परिसर प्लास्टिकमुक्त ठेवणे बंधनकारक असून शिकार करण्यावर बंदी घालण्यात आली आहे..Book Review: निसर्ग समजाविणारे देवराई आख्यान.यामुळे जैवविविधतेच्या जतनाला मोठी चालना मिळणार आहे. या योजनेसाठी एकात्मिक आदिवासी विकास प्रकल्प घोडेगाव अंतर्गत खेड तालुक्यातील खरपूड, आंबेगाव तालुक्यातील आहुपे, तिरपाड, राजपूर आणि जुन्नर तालुक्यातील अंजनावळे या गावांची निवड केली आहे. सामूहिक वनहक्क व्यवस्थापन समितीच्या माध्यमातून ही योजना राबविणार असल्याचे देसाई यांनी सांगितले..लोकसहभागातून विकासही योजना केवळ सरकारी न राहता गावकरी आणि तरुण पिढीचा सहभाग वाढवण्यासाठी विशेष प्रयत्न केले जाणार आहेत. विकास आराखडा सादर केल्यानंतर पहिल्या टप्प्यात गावांना ५० हजार रुपये दिले जातील आणि काम समाधानकारक पूर्ण झाल्यावर उर्वरित निधी वितरित केला जाईल. कामाच्या मार्गदर्शनासाठी तज्ञ समितीचीही नेमणूक करण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
