Pune News: हवेली, भोर, पुरंदर आणि मुळशी तालुक्यांत गावरान पावट्याची शेती बहरली आहे. इतर पावट्याच्या तुलनेत हा पावटा चवीला अधिक चांगला असतो. त्यामुळे पुण्याबरोबरच कोकण बाजारपेठेतही त्याला चांगली मागणी आहे. .पुण्यातील बाजारात हायब्रीड पावटा बाजारात बारा महिने उपलब्ध असतो. मात्र या गावरान पावट्याचा विशेष हंगाम असतो. साधारणतः: जुलै महिन्यात गावरान पावट्याची लागवड केली जाते. तर डिसेंबरच्या सुरुवातीस या पावट्याला शेंगा येतात. शेंगांचा हा हंगाम एप्रिल ते मे महिन्यापर्यंत सुरू राहतो..Crop Advisory : कृषी सल्ला (राहुरी विभाग).दररोजच्या आहारात प्रमाण जास्तगावरान पावट्याच्या शेंगांच्या ओल्या दाण्याची पातळ आणि सुकी भाजी व पावट्याचे दाणे टाकून केलेला पावटा भात पुणे व कोकणात विशेष प्रसिद्ध आहे. त्यामुळे या हंगामात या भागातील नागरिकांच्या दररोजच्या आहारात पावट्याची भाजी आणि पावटा भात या पदार्थांचे प्रमाण जास्त असते..हायब्रीड पावट्याच्या तुलनेत गावरान पावटा चवीला अधिक चांगला असतो. त्याला विशेष चमक असते. चवीला चांगला असल्याने पुणे, मुंबईच्या बाजारपेठेत या गावरान पावट्याला चांगली मागणी असते. त्यामुळे आम्ही दरवर्षी या गावरान पावट्याचे उत्पादन घेतो. यंदा पावसाने चांगली साथ दिल्याने पावट्याचे उत्पादन काही प्रमाणात अधिक मिळाले आहे. बाजारभाव स्थिर राहिल्यास चांगला नफा मिळेल.- गणेश गोगावले, पावटा उत्पादक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
