Agricultural Machinery Subsidy: पंतप्रधान राष्ट्रीय कृषी विकास योजना (PM-RKVY) अंतर्गत कृषी यांत्रिकीकरण उपअभियानासाठी सन २०२६-२७ मध्ये २१८.०५ कोटी इतका निधी वितरीत करण्यास शासनाने मंजुरी दिली आहे. सर्वसाधारण, अनुसूचित जाती, अनुसूचित जमाती आदी तिन्ही प्रवर्गासाठी दुसऱ्या हप्त्याचा हा निधी आहे. या योजनेअंतर्गत ट्रॅक्टरसाठी १.२५ लाख रुपयांपर्यंत अनुदान दिले जाते. याबाबतचा शासन निर्णय कृषी, पशुसंवर्धन विभागाने जारी केला आहे. .सन २०२६-२७ मध्ये पंतप्रधान- राष्ट्रीय कृषी विकास योजना अंतर्गत कृषी यांत्रिकीकरण उपअभियानासाठी तिन्ही प्रवर्गासाठी प्राप्त झालेला केंद्र हिस्सा १३०.८३ कोटी आणि त्यास अनुरुप राज्य हिस्सा ८७.२२ कोटी असा एकूण २१८.०५ कोटी इतका निधी कृषी आयुक्तांना वितरीत करण्यात येत आहे..Tractor Operated Seed Drill: पेरणीसाठी ट्रॅक्टरचलित पेरणी यंत्र वापरावे का? .केंद्र पुरस्कृत कृषी यांत्रिकीकरण उपअभियान केंद्राच्या कार्यात्मक मार्गदर्शक सुचनांनुसार राबविण्यात येत आहे. केंद्र व राज्य सरकारच्या निधी हिश्श्याचे प्रमाण ६०:४० इतके आहे. कृषी यांत्रिकीकरण उपअभियानसाठी सन २०२६-२७ या आर्थिक वर्षांसाठी केंद्र हिस्सा ३०० कोटी आणि त्यासाठीचा अनुरुप राज्य हिस्सा २०० कोटी असा एकूण ५०० कोटी निधीच्या वार्षिक कृती आराखडयास याआधी मंजुरी दिली होती. .Agricultural Mechanization Scheme: कृषी यांत्रिकीकरणात ३१ लाखांहून अधिक अर्ज रद्द; फक्त २.३२ लाख शेतकऱ्यांनी घेतली अवजारे.यासाठी पहिल्या टप्प्यात २१८.०३ कोटी निधी वितरीत करण्यात आला होता. आता दुसऱ्या टप्प्यात जवळपास एवढाच निधी वितरित करण्यास मंजुरी देण्यात आली आहे. यात सर्वसाधारण प्रवर्गासाठी १७१ कोटी, अनुसूचित जाती २५ कोटी आणि अनुसूचित जमाती प्रवर्गासाठी २० कोटी रुपयांच्या निधीचा समावेश आहे. .कृषी यांत्रिकीकरण योजनेविषयी...यात ट्रॅक्टर या घटकांसाठी अनुदान मर्यादा अल्प- अत्यल्प भूधारक- महिला- एसी-एसटी प्रवर्गासाठी १.२५ लाख व इतर प्रवर्गासाठी १ लाख रुपये एवढी आहे. ही अनुदानाची रक्कम लाभार्थ्यांना महाडीबीटी प्रणालीद्वारे आधार संलग्न बॅंक खात्यावर सार्वजनिक वित्तीय व्यवस्थापन प्रणालीद्वारे जमा करण्यात येते. .शेतकऱ्यांच्या उत्पन्नात वाढ करण्याच्या उद्देशाने सरकारकडून कृषी यांत्रिकीकरण उपअभियान राबवण्यात येत आहे. या अंतर्गत शेतकऱ्यांना ट्रॅक्टर, पावर टिलर, स्वयंचलित यंत्र, अवजारे, पीक संरक्षण साधने, मनुष्य व बैल चलित अवजारे, प्रक्रिया युनिट्स, भाडे तत्वावर कृषी यंत्र व अवजारे सेवा पुरवठा केंद्राच्या उभारणीसाठी अनुदान देण्यात येते. या योजनेचा लाभ घेण्यासाठी इच्छुक शेतकऱ्यांनी महाडीबीटी या पोर्टलवर ऑनलाईन अर्ज करण्याची सुविधा आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
