Mandi Rates : नाशिक लासलगाव कृषी उत्पन्न बाजार समितीच्या मुख्य बाजार आवारात चालू हंगामातील टोमॅटो खरेदी-विक्रीला ४ ऑगस्टपासून प्रारंभ झाला आहे. परिसरातील टोमॅटो उत्पादकांना बाजारपेठ उपलब्ध करून देण्यासाठी दरवर्षीप्रमाणे यंदाही लिलाव प्रक्रिया सुरू करण्यात आली आहे..सध्या प. पू. भगरीबाबा धान्य व भाजीपाला मुख्य बाजार आवारात टोमॅटोचे लिलाव सुरू आहेत. मुहूर्ताच्या लिलावात टोमॅटोला प्रतिक्रेट किमान ५१ रुपये, कमाल ५११ रुपये, तर सरासरी ३५० रुपये दर मिळाला..Agrowon Podcast: सोयाबीन दरात नरमाई; कांदा-टोमॅटो बाजारात चढ-उतार, तुरीच्या आवकेत बदल तर मेथी आवकेत वाढ.लासलगावसह निफाड, चांदवड, नांदगाव, येवला, सटाणा, देवळा, कळवण, मालेगाव, सिन्नर, कोपरगाव, राहुरी, राहाता आणि नेवासा तालुक्यांत मोठ्या प्रमाणावर टोमॅटोची लागवड केली जाते. या उत्पादकांना विक्रीची सुविधा उपलब्ध व्हावी, यासाठी बाजार समितीत गेल्या ३० वर्षांपासून टोमॅटो हंगामात लिलावाचे व्यवहार केले जात आहेत..Agrowon Podcast: कांद्याच्या दरात चढ-उतार; तुरीचे भाव दबावातच, ज्वारीला उठाव, आल्याचे दर स्थिर तर टोमॅटो आवक मर्यादीत.बाजार समितीने शेतकऱ्यांना टोमॅटोची योग्य प्रतवारी करूनच माल विक्रीस आणण्याचे आवाहन केले आहे. सुपर (एक नंबर), मध्यम, लहान (गोल्टी), तसेच बदला (बिलबिला, तडकलेला किंवा खरचटलेला) अशा वर्गवारीनुसार २० किलो क्षमतेच्या क्रेटमध्ये टोमॅटो आणावेत, असे बाजार समितीने स्पष्ट केले आहे. लिलावानंतर टोमॅटोचे इलेक्ट्रॉनिक काट्यावर त्वरित वजन करून रोखीने देयक अदा केले जाणार आहे. .टोमॅटो खरेदीस इच्छुक नव्या व्यापाऱ्यांनी आवश्यक अटी व शर्ती पूर्ण केल्यास त्यांना तत्काळ परवाना दिला जाणार आहे. त्याचबरोबर प्रतवारी आणि पॅकिंगसाठी जागाही उपलब्ध करून दिली जाईल, अशी माहिती बाजार समिती प्रशासनाने दिली. टोमॅटो उत्पादकांनी योग्य प्रतवारी केलेला माल लासलगाव येथील प. पू. भगरीबाबा धान्य व भाजीपाला मुख्य बाजार आवारात विक्रीस आणावा, असे आवाहन बाजार समितीने केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
