Amravati News: वाघडोह, रायपूर व चौरामल शिवारात वाघाच्या वावरामुळे पंचक्रोशीतील ग्रामस्थांमध्ये घबराटीचे वातावरण आहे. या वाघाला वन्यजीव अधिवासात सुरक्षितरित्या सोडण्यासाठी वनविभागाचे पथक वाघडोह गावात तळ ठोकून आहे..वाघडोह गावाजवळ शेतशिवारात श्रीराम इंगळे यांच्या शेतात कपाशीच्या पिकाला पाणी देत असताना रवी राजने या तरुणाला हा वाघ डुकराची शिकार करत असल्याचे दिसले. दोघांची नजरानजर झाल्यावर वाघाने शिकार त्याच ठिकाणी टाकून मजुरावर हल्ला करण्याचा प्रयत्न केला होता. परंतु तो पळून गेल्याने त्याचा जीव वाचला..Maharashtra Forest Department : वन विभागात तब्बल २४०८ पदे रिक्त.याबाबतची माहिती वाघडोहच्या सरपंच भाग्यश्री लंगोटे यांचे पती संतोष व पोलिस पाटील सुभाष काकड यांनी वनविभागाच्या अधिकाऱ्यांना दिली. त्यानंतर घटनेचे गांभीर्य लक्षात घेऊन वनविभागाची टीम तात्काळ घटनास्थळी पोहोचली होती. त्यांनी त्याठिकाणी दोन ट्रॅप कॅमेरे लावले. त्यामध्ये रात्री बारा वाजता वाघ हा आपली शिकार घेऊन जात असताना दिसून आला. त्यामुळे वाघडोह, जनुना, डोलार, चौऱ्यामल, गोंडवाघोली, धाडी, खोडगाव आदी गावांतील लोकांना सूचना देऊन सतर्क राहण्याचे आवाहन करण्यात आले आहे..Forest Department : मंजूर आराखड्यांचा वन विभागाच्या नियोजनात समावेश करा.याबाबत अधिक नियोजन करण्यासाठी वनपरिक्षेत्र अधिकारी दिनेश वाळके, क्षेत्र सहायक सुधीर हाते, वनरक्षक ए. पी. मुंडे, सय्यद आफताब, आर. आर. बैस, व्ही. एस. शेरेकर, पी. आर. वानखडे, जे. टी. भारती, ए. बी. गायकवाड, ए. आर. शिरसाम व एस. पी. चौधरी हे वनविभागाचे अधिकारी व कर्मचारी सध्या गावात मुक्काम करून परिस्थितीवर नजर ठेवून आहेत..ट्रॅप कॅमेऱ्यात वाघ असल्याचे दिसून येत असल्याने पुढे वन्यजीव प्राण्यांसोबत मानवी संघर्ष होऊ नये, याकरिता नाकाबंदी व गावागावात मुनादी देऊन लोकांना सतर्क राहण्याचे आवाहन करण्यात आले आहे.-दिनेश वाळके, वनपरिक्षेत्र अधिकारी, परतवाडा..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
