Forest Department : गडचिरोली शेतात खत टाकण्यासाठी गेलेल्या शेतकऱ्यावर झुडपात दबा धरून बसलेल्या वाघाने अचानक हल्ला केला. या हल्ल्यात भाऊराव भगवान म्हशाखेत्री (वय ४५, रा. पोर्ला) हे हातापायांना जखमी झाले. सकाळी नऊच्या सुमारास पोर्ला-पोटेश्वर मार्गावरील शेतशिवारात ही घटना घडली. जखमी म्हशाखेत्री यांना गडचिरोली येथील जिल्हा सामान्य रुग्णालयात दाखल करण्यात आले असून, त्यांची प्रकृती स्थिर असल्याची माहिती वनपरिक्षेत्र अधिकारी राजेश पाचभाई यांनी दिली..म्हशाखेत्री हे सकाळी शेतात खत टाकण्याचे काम करीत होते. याच वेळी झुडपात दबा धरून बसलेल्या वाघाने अचानक त्यांच्यावर झडप घातली. वाघाच्या हल्ल्यात त्यांच्या हातापायांना दुखापत झाली. .Tiger Attack : वाघाच्या हल्ल्यात गुराखी ठार.प्रसंगावधान राखत त्यांनी हातातील खत टाकण्याच्या वाटीने वाघाचा प्रतिकार केला आणि मोठ्याने आरडाओरड केली. आवाजामुळे वाघाने तेथून पळ काढला..Ashadhi Wari: एक तरी वारी अनुभवावी... .यावेळी म्हशाखेत्री यांची मुलगीही शेतात उपस्थित होती. घटनेची माहिती मिळताच पोर्ला वनपरिक्षेत्रातील अधिकारी व कर्मचारी घटनास्थळी दाखल झाले. वनपरिक्षेत्र अधिकारी राजेश पाचभाई यांनी जखमी शेतकऱ्याला तातडीने जिल्हा सामान्य रुग्णालयात उपचारासाठी दाखल केले..पोर्ला परिसरातील शेतशिवारात वाघाचा वावर असल्याने शेतकऱ्यांमध्ये भीतीचे वातावरण निर्माण झाले आहे. खरीप हंगामातील खत व्यवस्थापन, निंदणी आणि इतर शेतीकामांसाठी शेतकऱ्यांना नियमितपणे शेतात जावे लागते. त्यामुळे वनविभागाने परिसरात गस्त वाढवून वाघाच्या हालचालींवर लक्ष ठेवावे, अशी मागणी शेतकऱ्यांकडून होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
