Kolhapur News: तालुक्यातील अथर्व दौलत, ओलम शुगर व इकोकेन शुगर्स या तीनही कारखान्यांनी चालू गळीत हंगामातील उसासाठी प्रति टन ३४०० रुपये दर देण्यास सहमती दर्शवली. इनाम सावर्डे (ता. चंदगड) येथे आमदार शिवाजी पाटील यांच्या उपस्थितीत झालेल्या कारखानदार व शेतकऱ्यांच्या बैठकीत हा निर्णय झाला..आमदार पाटील यांनी शेतकऱ्यांच्या व्यथा मांडल्या. गेल्या काही वर्षांपासून पावसाचे प्रमाण प्रचंड वाढले आहे. त्याचा उसाच्या वाढीवर परिणाम होत आहे. वन्यप्राण्यांकडूनही मोठ्या प्रमाणात नुकसान केले जाते. बदलते हवामान आणि मशागतीसाठी येणारा खर्च याचा विचार करता घातलेले पैसेही निघत नाहीत, अशी अवस्था आहे. त्यामुळे यावर्षी कारखानदारांनी प्रतिटन ३६०० रुपये दर द्यावा, अशी मागणी केली..Sugarcane Factory Issue : ऊस तोड महामंडळाला निधी देण्यास कारखाने नाखूष.त्यावर ‘दौलत अथर्व’चे मानसिंग खोराटे, ओलमचे युनिट हेड संतोष देसाई, इको केनचे बाबासाहेब देसाई यांनी कारखानदारांच्या पुढे असणाऱ्या समस्या मांडल्या. ३३०० पेक्षा जास्त दर देणे परवडणारे नसल्याचे सांगितले. या मुद्द्यावर बराच वेळ चर्चा झाली. अखेर ३४०० रुपये प्रति टन दर देण्यावर एकमत झाले..Kolhapur Sugarcane : साखर कारखाने म्हणतात १०० रुपये द्यायला परवडत नाही, जिल्हाधिकारी भूमिका घेणार का?.त्यानंतर आमदार श्री. पाटील यांनी स्वाभिमानी शेतकरी संघटनेवरही या वेळी निशाणा साधला. तडजोडीने प्रश्न मिटत असताना मोर्चे-आंदोलने करून प्रशासनाला वेठीला धरणे, शासकीय मालमत्तेचे नुकसान करणे चुकीचे असल्याचे त्यांनी या वेळी सांगितले..या वेळी महेश भोसले, विजय मराठे, दीपक पाटील, कृषी उत्पन्न बाजार समितीचे सभापती भावकू गुरव, राम पाटील, अशोक कदम, संग्राम अडकूरकर यांच्यासह शेतकरी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
