Jalgaon News: राज्य शासनाच्या मुख्यमंत्री माझी लाडकी बहीण योजनेत जिल्ह्यातील अनेक महिला लाभ घेत आहेत. यात एक लाखांवर महिलांना ई केवायसी व अन्य कारणांनी लाभ मिळू शकलेला नाही. दुसरीकडे आधार अपडेट नसणे, बँक खात्याच्या अडचणी आदी कारणांनी जिल्ह्यातील सुमारे ६० ते ६५ हजार महिला या योजनेपासून वंचित आहेत. .यातच लाभासाठी अर्ज करण्याची १५ ऑक्टोबर २०२४ ही अखेरची मुदत होती. या योजनेत सहभागासाठी अर्ज दाखल करण्यास मुदतवाढ मिळावी अशी मागणी सतत केली जात आहे. परंतु त्याबाबत निर्णय न झाल्याने महिला वर्गात नाराजी आहे. वर्षभर पोर्टल बंद आहे. २१ ते ६५ वर्षे वयाच्या महिला या योजनेत सहभागी होवू शकतात. .Ladki Bahin Yojana E-KYC : पूरग्रस्त महिलांसाठी दिलासा! ‘लाडकी बहीण’ योजनेची ई-केवायसी मुदत १५ दिवसांनी वाढवली.आधार अपडेट होईनाआधार अपडेट करण्याची प्रक्रिया अलीकडे क्लीष्ट व वेळखाऊ झाली आहे. नावात दुरूस्ती करण्यासाठी आता बारकोडयुक्त मतदान कार्ड, पासपोर्ट आदी कागदपत्रांची मागणी केली जाते. मतदान कार्ड अनेक महिलांकडे बारकोडयुक्त नसल्याने अडचणी आल्या. यामुळे महिलांना प्रथम मतदान कार्ड अपडेट करावे लागते. .Ladki Bahin Yojana: लाडक्या बहिणींना दिवाळीची भेट! सप्टेंबर महिन्याचे १५०० रुपये वितरित करण्यास सुरुवात.कारण कमाल महिलांकडे पासपोर्ट नाहीत. यात १५ ते २० दिवस गेले. यानंतर आधार अपडेट करण्यासाठी अर्ज केला. यात काही महिलांचे अर्ज हकनाक आधारच्या पोर्टलवरून फेटाळण्यात आले. योग्य पुरावा दिलेला नसल्याचा दावा त्यात सबब म्हणून करण्यात आला. यामुळेही महिलांना हकनाक त्रास झाला. दोन - दोन वेळेस आधार अपडेट करण्यासाठी अर्ज करावे लागले. अद्यापही आधार अपडेट झालेले नाहीत. याचाही फटका महिलांना बसला आहे. .पुढे लाभ मिळणार का?अनेक मुलींचे वय २१ वर्षे होणार आहे. या मुली या योजनेचा लाभ कसा घेवू शकतील. त्यासाठी अर्ज दाखल करण्याची प्रक्रिया सुरूच ठेवा, असा मुद्दाही उपस्थित केला जात आहे. ज्यांना लाभ मिळाला, त्यांचाच विचार न करता जे वंचित राहीले आहेत, त्यांच्याबाबतही योग्य तो निर्णय प्रशासनाने घ्यावा, अशी मागणी केली जात आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
