Chhatrapati Sambhajinagar News: छत्रपती संभाजीनगर जिल्ह्यात सिल्लोड, वैजापूर, कन्नड, गंगापूर, खुलताबाद, पैठण या सहा नगरपरिषदांसाठी मंगळवारी (ता.२) मतदान पार पडले. मागील निवडणुकीपेक्षा यंदा मतदानात सरासरी दहा टक्क्यांची वाढ झाली. मतदान शांततेत पार पडल्याचा दावा प्रशासनाने केला असला तरी बहूतांश ठिकाणी मतदानाच्या अंतिम टप्यात पैशाचा वापर झाल्याच्या चर्चांना उधाण आले आहे..मागील काही वर्षांपासून प्रलंबित निवडणूका जाहीर झाल्यापासून भावी नगराध्यक्ष, सदस्य तयारीला लागले होते. आरक्षण जाहीर होण्याआधीपासून ही तयारी सुरू होती. त्यामुळे जिल्हाभरात मोठ्या उत्साहात मतदान झाले. सिल्लोड तालूक्यात तर एका ज्येष्ठ महिलेने रांगत येऊन मतदान केले. गंगापूर, वैजापूर येथेही मतदारांनी रांगा लावून मतदान केले. त्यामुळे मतदानाचा टक्का यंदा वाढला आहे..Local Body Election: बुलडाणा जिल्ह्यात वाढत्या मतदानाने उमेदवारांत धाकधूक.उपजिल्हाधिकाऱ्यांच्या खांद्यावर स्ट्रॉंगरूमचा भारनिवडणूक आयोगाच्या आदेशानुसार नगरपरिषदेचे दोन डिसेंबर रोजी मतदान होऊन लगेचच दुसऱ्या दिवशी म्हणजेच ३ डिसेंबर रोजी मतमोजणी होणार होती. जिल्हा प्रशासनाने तसे नियोजनही केले होते. मतदान केंद्रांपासून ईव्हीएम तसेच सर्व साहित्य स्ट्रॉंग रूमपर्यंत नेण्यापर्यंत तसेच दुसऱ्या दिवशी मत मोजणीसाठी लागणारी सर्व तयार तयारी प्रशासनाने केली होती. परंतू, न्यायालयात दाखल याचिकांच्या अनुषंगाने आता मतमोजणी २१ डिसेंबरपर्यंत पुढे ढकलण्यात आलेली आहे. .Local Body Elections: सोलापुरात १० नगर परिषदांसाठी उत्साहात मतदान.त्यामुळे प्रशासनाला स्ट्रॉंग रूमसाठी बंदोबस्त ठेवावा लागणार आहे. त्यासाठी २१ डिसेंबरपर्यंत अग्निशामन सेवा, पोलिस बंदोबस्त तसेच सीसीटीव्ही कनेक्शन ठेवावे लागणार असून या स्ट्रॉंग रुमची जबाबदारी उपजिल्हाधिकारी दर्जाच्या अधिकाऱ्यांकडे देण्यात आल्याचे प्रशासनातर्फे सांगण्यात आले..नगरपरिषद प्रशासन विभागाचे सहआयुक्त ऋषीकेश भालेराव यांनी सांगितले की, यंदा सहाही नगरपरिषदांच्या निवडणुका या एकत्रित अर्थात एकाच वेळी पार पडल्या. गेल्या वेळी या निवडणुका वेगवेगळ्या तारखांना झाल्या होत्या..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
