Ahilyanagar News: यंदा अतिपावसाचा फटका बसल्यामुळे महात्मा फुले कृषी विद्यापीठाच्या खरीप बीजोत्पादनात ३५ टक्क्यांनी घट झाली आहे. विद्यापीठाच्या कार्यक्षेत्रासह वेगवेगळ्या शेतकरी उत्पादक कंपन्यांमार्फत ४६५ हेक्टर क्षेत्रावर ६ हजार ६०० क्विंटल बीजोत्पादनाचे लक्ष्य ठेवले होते..परंतु सरासरीपेक्षा दुप्पट झालेल्या पावसामुळे घट होऊन ४ हजार २५० क्विंटलवर बीजोत्पादन झाले आहे. रब्बीत ३१९ हेक्टर क्षेत्रावर बीजोत्पादनाचे नियोजन करण्यात आले आहे, अशी माहिती विद्यापीठातर्फे देण्यात आली..Kharif procurement: गुजरातमध्ये शेतकऱ्यांकडून भात, बाजरी आणि मक्याची हमीभावात खरेदी.महात्मा फुले कृषी विद्यापीठामध्ये बीजोत्पादनाचा खरीप आढावा व रब्बी हंगाम नियोजन बैठक झाली. कुलगुरू डॉ. शरद गडाख यांच्यासह संशोधन संचालक डॉ. विठ्ठल शिर्के, कृषी तंत्रज्ञानाचे सहयोगी अधिष्ठाता डॉ. प्रशांत बोडके, उद्यानविद्या विभाग प्रमुख डॉ. भरत पाटील, प्रमुख शास्त्रज्ञ (बियाणे) डॉ. नितीन दानवले, सहयोगी संशोधन संचालक डॉ. विजय शेलार व वरिष्ठ कापूस पैदासकार डॉ. पवन कुलवाल उपस्थित होते..खरीप आणि रब्बीत विद्यापीठ व विविध शेतकरी कंपन्यांमार्फत दोन्ही हंगामातील पिकांचे बीजोत्पादन घेतले जाते. रब्बी हंगामातील पिकांसाठी ८६४ क्विंटल मूलभूत बियाण्यांचे लक्ष्य दिले असून विद्यापीठाने ३१९ हेक्टर क्षेत्रावर ३८२० क्विंटल बीजोत्पादनाचे नियोजन केले आहे. खरिपात ४६५ हेक्टर क्षेत्रावर ६६०० क्विंटल बीजोत्पादन करण्याचे नियोजन होते. मात्र यंदा खरिपाच्या काळात सातत्याने पाऊस पडला..Seed Production : महाबीजचा ११ हजार हेक्टरवर परभणीत बीजोत्पादन कार्यक्रम.अनेक भागात एकापेक्षा अधिक वेळा अतिवृष्टी झाली. त्याचा मोठा फटका कृषी विद्यापीठाच्या बीजोत्पादनाला बसला. त्यामुळे नेहमीच्या तुलनेत ३५ टक्के घट झाल्याचे सांगण्यात आले. या वेळी डॉ. राजेंद्र क्षीरसागर यांनी भाजीपाला पिकांच्या खरीप हंगामासाठीचे बीजोत्पादन, तसेच रब्बी हंगामाचे नियोजन,.डॉ. राजेंद्र भिलारे यांनी ऊस पिकाचे खरीप व रब्बीचे नियोजन यासंबंधी बेणे उत्पादन, डॉ. सचिन मगर यांनी विद्यापीठ कार्यक्षेत्रातील विविध रोपवाटिकांमध्ये तयार केलेल्या विविध फळझाडांची कलमे, रोपे, डॉ. योगेश सैंदाणे यांनी जैविक कीटकनाशके व जैविक बुरशीनाशके, डॉ. सुदर्शन लटके यांनी विविध जैविक खते, डॉ. ताटपुरकर यांनी फुले मायक्रोन्यूट्रिएंट ग्रेड टू उत्पादन आदींबाबतची माहिती दिली..अतिपावसामुळे बीजोत्पादन प्लॉटचे नुकसान होऊन देखील लक्ष्यांक पूर्ण करता आला. रब्बी हंगामात अपेक्षित बीजोत्पादनाचे लक्ष्य गाठता येईल. विद्यापीठाचा बीजोत्पादन कार्यक्रम फार महत्त्वाचा आहे. आत्मनिर्भर होण्यामध्ये विद्यापीठ कार्यक्षेत्रात विविध ठिकाणी घेत असलेल्या बीजोत्पादनाची मोठी मदत होईल.डॉ. शरद गडाख, कुलगुरू, महात्मा फुले कृषी विद्यापीठ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
