Yavatmal News: विजेवरील अवलंबित्व कमी व्हावे, यासाठी सुरू करण्यात आलेल्या सौर कृषिपंप योजनेचा लाभ दारव्हा तालुक्यातील अनेक शेतकऱ्यांना अद्याप मिळालेला नाही. अर्ज करून वर्ष उलटले तरी बहुतांश शेतकरी सौरपंपापासून वंचित असून, यामुळे शेतकऱ्यांत तीव्र नाराजी व्यक्त होत आहे..या योजनेअंतर्गत अर्ज केल्यानंतर ६० दिवसांत सौर कृषिपंप उपलब्ध करून देण्यात येतील, असे सांगण्यात आले होते. दारव्हा तालुक्यात शेकडो शेतकऱ्यांनी ऑनलाइन अर्ज करून अनामत रक्कम भरली. मात्र प्रत्यक्षात मोजक्याच शेतकऱ्यांना पंप मिळाले असून उर्वरित अर्ज प्रलंबितच आहेत..Agriculture Electricity Issue: खंडित वीजपुरवठ्याने शेतकरी मेटाकुटीस.संपूर्ण प्रक्रिया ऑनलाइन असतानाही मंजुरी, पुरवठादार नियुक्ती व प्रत्यक्ष वितरण या टप्प्यात विलंब होत असल्याची तक्रार शेतकरी करीत आहेत. अनेकांनी संबंधित विभागांकडे वारंवार पाठपुरावा केला; मात्र १२० दिवसांहून अधिक कालावधी उलटूनही ठोस निर्णय होत नसल्याचे चित्र आहे. .Agriculture Electricity Issue : विहिरीत पाणी, पण विजेअभावी पिकांना देता येईना.तालुक्यातील शेकडो शेतकऱ्यांनी सिंचनासाठी सौरपंपासाठी अर्ज केला. मात्र प्रत्यक्षात काही मोजक्यांनाच पंप मिळाले. परिणामी पिकांना पाणी देण्यासाठी अजूनही डिझेल किंवा महागड्या विजेवर अवलंबून राहावे लागत असून उत्पादन खर्चात वाढ होत आहे. अनामत रक्कम अडकून सौर कृषी पंपासाठी अर्ज करताना शेतकऱ्यांनी ९० टक्के अनामत रक्कम ऑनलाइन भरली आहे. .पंप न मिळाल्याने ही रक्कम शासनाकडेच जमा असून, शेतकऱ्यांचा पैसा अडकून पडला आहे. या योजनेसाठी ऑनलाइन अर्ज महावितरणकडे करण्यात येतात. मात्र कृषी विभागाशी समन्वयाचा अभाव आणि पुरवठादार कंपन्यांची जबाबदारी स्पष्ट नसल्याने प्रक्रिया अधिकच संथ झाली आहे. याबाबत शेतकऱ्यांना समाधानकारक माहिती मिळत नसल्याची तक्रार आहे. दुसरीकडे योजनेचा लाभ वेळेत न मिळाल्यास पिकांचे नुकसान होत असून शेतकरी आर्थिक अडचणीत सापडत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.