Wardha News: वर्धा जिल्ह्यात यंदा कापसाचे उत्पादन समाधानकारक असले तरी हमीभावाचा लाभ शेतकऱ्यांना मिळालेला नाही. शासनाची कापूस खरेदी यंत्रणा असलेली सीसीआय (कॉटन कॉर्पोरेशन ऑफ इंडिया) अपेक्षेप्रमाणे सक्रिय न झाल्याने शेतकऱ्यांना अखेर खासगी व्यापाऱ्यांकडेच कमी दरात कापूस विकावा लागला. परिणामी, जिल्ह्यात झालेल्या एकूण खरेदीत खासगी व्यापाऱ्यांचेच प्राबल्य स्पष्ट झाले आहे..जिल्ह्यातील आठ तालुक्यांत यंदा कापूस खरेदी झाली. यामध्ये खासगी व्यापाऱ्यांनी १० लाख ५५ हजार ७१७.२१ क्विंटल कापूस खरेदी केला, तर सीसीआयकडून केवळ ३ लाख २७ हजार ३९४.४० क्विंटल कापसाचीच खरेदी झाली. त्यामुळे एकूण कापूस खरेदी १३ लाख ८३ हजार १११.६१ क्विंटल इतकी नोंदली गेली. तालुकानिहाय पाहता हिंगणघाट तालुक्यात सर्वाधिक ३ लाख ६५ हजार ६३२ क्विंटल कापसाची खरेदी झाली..Cotton Purchase : ‘सीसीआय’च्या बार्शीटाकळी केंद्रावर कापूस खरेदीस प्रारंभ.यामध्ये खासगी खरेदीचा वाटा जास्त राहिला. वर्धा तालुक्यात सुमारे १ लाख ९१ हजार क्विंटल, आर्वी तालुक्यात १ लाख ३८ हजार क्विंटल, पुलगावमध्ये १ लाख ५६ हजार क्विंटल, समुद्रपूरमध्ये १ लाख ३६ हजार क्विंटल, तर सिंदी (रेल्वे) तालुक्यात १ लाख ७ हजार क्विंटल कापसाची खरेदी झाली. आष्टी तालुक्यात तुलनेने कमी, मात्र खासगी व्यापाऱ्यांमार्फतच जास्त व्यवहार झाल्याचे चित्र आहे..Sugar Purchase: साखरेची आगाऊ खरेदी डिसेंबर अखेर थंडावली.सीसीआयकडून हमीभावाने खरेदी होईल, या अपेक्षेने अनेक शेतकऱ्यांनी कापूस साठवून ठेवला होता. मात्र आर्द्रता, प्रतवारी, दर्जा आदी अटींमुळे मोठ्या प्रमाणावर कापूस नाकारण्यात आला. त्यामुळे शेतकऱ्यांनी नाईलाजाने खासगी व्यापाऱ्यांकडे कमी दरात कापूस विकला. यामुळे हमीभाव कागदावरच राहिल्याची भावना शेतकऱ्यांतून व्यक्त होत आहे..कष्टाचा मोबादला नाहीदरम्यान, जिल्ह्यातील बहुतांश शेतकरी कापूस विकून मोकळे झाल्यानंतर व्यापाऱ्यांच्या गोडाऊनमध्ये कापसाचा साठा वाढला आहे. सध्या कापसाचे दर हळूहळू वाढत असून, त्याचा फायदा व्यापाऱ्यांना मिळण्याची शक्यता आहे. कष्टाचा मोबदला मात्र शेतकऱ्यांना मिळाला नाही, अशी खंत ग्रामीण भागात व्यक्त केली जात आहे. .सीसीआय केंद्रांवर प्रभावी, वेळेवर आणि अटींशिवाय खरेदी झाली असती, तर शेतकऱ्यांना दिलासा मिळाला असता. मात्र प्रत्यक्षात खासगी व्यापाऱ्यांवरच अवलंबून राहावे लागल्याने कापूस उत्पादक शेतकरी पुन्हा एकदा आर्थिक फेऱ्यात अडकला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
