Pune News: बाजारातील कमी आवक, रुपयाचे अवमूल्यन, खाद्यतेल आणि सोयापेंडचे वाढलेले भाव, निर्यातीला मागणी यामुळे सोयाबीनच्या भावात चांगली तेजी आली आहे. सोयाबीनचे भाव हमीभावाचा टप्पा पार करून ५५०० रुपयांपर्यंत आले आहेत. ते ६ हजारांची पातळी गाठू शकतात, असा अंदाज सोयाबीन बाजारातील अभ्यासकांनी व्यक्त केला आहे..देशात यंदा सोयाबीनचे उत्पादन घटले आहे. तसेच मागील हंगामातील शिल्लक साठाही कमी होता. यामुळे दरात सुधारणा अपेक्षित होती. त्यातच मध्य प्रदेशात भावांतर योजना आणि महाराष्ट्रात हमीभावाने खरेदी योजना राबविण्यात येत आहे. त्यामुळे शेतकऱ्यांकडून बाजारातील सोयाबीन आवक कमी झाली आहे. परिणामी, बाजारात सोयाबीन उपलब्धताही कमी झाली..Soybean Procurement: शेतकरी कंपन्यांची साडेसतरा लाख क्विंटल सोयाबीन खरेदी.जानेवारीच्या मध्यानंतर बाजारात भाव वाढून ५ हजारांवर पोहोचले होते. त्यानंतर बाजार काहीसा स्थिरावला होता. बाजारातील आवक कमीच राहिली आणि मागणी मात्र टिकून राहिल्याने सध्या भावात तेजी आली आहे..भावांतर, हमीभावाचा आधारमध्य प्रदेशात भावांतर योजनेतून आतापर्यंत १७ लाख टनांची खरेदी झाली आहे. तर महाराष्ट्रात हमीभावाने ६ लाख टनांची खरेदी झाली. खुल्या बाजारात भाव वाढल्यानंतर दोन्ही योजनांमधून होणारी खरेदी थांबली आहे. दोन्ही सोयाबीन उत्पादक राज्यांमध्ये २३ लाख टन सोयाबीन या योजनांमधून खरेदी झाले. मध्य प्रदेशातही बहुतांशी माल ‘स्टॉक’मध्ये गेला होता. यापूर्वी २०१७ मध्येही भावांतर योजनेतून खरेदी झाली होती. त्या वेळी भावांतरचा कालावधी संपल्यानंतर सोयाबीनच्या भावात तेजी आली होती. यंदाही हेच घडताना दिसत आहे. ‘स्टॉक’मध्ये सोयाबीनचा साठा असल्याने बाजारातील उपलब्धता कमी होऊन दर वाढले आहेत..सोयापेंडचा वापर चांगलाभाव वाढले तरी सोयापेंडचा वापर चांगला सुरू आहे. पोल्ट्री उद्योगाला सध्या चिकन आणि अंड्यासाठी चांगला भाव मिळत आहे. त्यामुळे सोयापेंडची मागणी टिकून आहे. सोयापेंडचे भाव वाढले तरी निर्यातीसाठी मागणी असल्याचे निर्यातदार सांगत आहेत. यामुळेही सोयापेंडचे भाव वाढले आहेत. देशातील बाजारात सध्या सोयाबीनला प्रति क्विंटल ५५०० रुपयांच्या दरम्यान भाव मिळत आहे. तर प्रक्रिया प्लांट्सचे भाव ५ हजार ८०० ते ६ हजारांच्या दरम्यान आहेत. भाव वाढत असले मागणी टिकून असल्याने सोयाबीनचा बाजारभाव ६ हजारांपर्यंत वाटचाल करण्याची शक्यता आहे, असा अंदाज सोयाबीन बाजारातील अभ्यासकांनी व्यक्त केला आहे..Soybean Procurement: शेतकरी कंपन्यांची साडेसतरा लाख क्विंटल सोयाबीन खरेदी.डॉलरचा भाव वाढल्याचा फायदामागील काही दिवसांपासून डॉलरच्या तुलनेत रुपयाचे अवमूल्यन झाले आहे. त्यामुळे खाद्यतेल आयात महाग झाली. सोयातेलाचे भाव वाढून सोयाबीनला आधार मिळत आहे. तर सोयापेंड निर्यात टिकून राहण्यास मदत होत आहे. सोयाबीनच्या भाव वाढीसाठी रुपयाच्या अवमूल्यनाचाही हातभार लागत आहे..मध्य प्रदेशची भावांतर योजना आणि महाराष्ट्रातील हमीभाव खरेदी यामुळे सोयाबीनचा साठा मोठ्या प्रमाणात झाला. बाजारात भाव वाढत असतानाही देशातील वापर आणि निर्यातीसाठी मागणी चांगली आहे. रुपया घसरत असल्यामुळेही सोयाबीनला आधार मिळत आहे. त्यामुळे सोयाबीनचा भाव आणखी सुधारण्याची शक्यता आहे.राजेंद्र जाधव, शेतीमाल बाजार अभ्यासक.कमी उत्पादन आणि चांगली मागणी यामुळे भाववाढ अपेक्षित होती. पण मागील दोन आठवड्यांत सोयाबीन बाजारात वेगाने घडामोडी घडल्या आणि अचानक तेजी आली. सध्याच्या पातळीवरून १००-१५० रुपयांचे चढ-उतार दिसू शकतात, पण ५०० रुपयांपर्यंत वाढ अपेक्षित आहे.दिनेश सोमाणी, शेतीमाल बाजार विश्लेषक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
