Jalna News: राज्यात २०१९ ते ३१ ऑक्टोबर २०२५ या कालावधीत राज्यात एकूण १ कोटी ०५ लाख ८६ हजार ७३३ सोल्युबिलिटी चाचण्या करण्यात आल्या असून, त्यामध्ये १२,४२० सिकलसेल रुग्ण आणि १,२४,२७५ सिकलसेल वाहक आढळून आले आहेत.सिकलसेल आजाराचे प्रमाण लक्षात घेता नागरिकांनी वेळेत तपासणी करून घ्यावी, असे आवाहन सार्वजनिक आरोग्य विभागाने केले आहे. .माहितीनुसार, राज्यात सिकलसेल नियंत्रण कार्यक्रम २००८ पासून आदिवासी व दुर्गम भागात प्रभावीपणे राबविण्यात येत आहे.ठाणे, नाशिक, नंदुरबार, अमरावती, गोंदिया, गडचिरोली, पालघर, नागपूर, वर्धा, चंद्रपूर, भंडारा, यवतमाळ, धुळे, जळगाव, बुलडाणा, नांदेड, वाशीम, अकोला, छत्रपती संभाजीनगर, रायगड व हिंगोली या २१ जिल्ह्यांचा त्यात समावेश आहे..Lumpy Skin Disease: लसीकरणानंतरही लम्पी का थांबेना?.या कार्यक्रमांतर्गत नागरिकांमध्ये जनजागृती, मोफत सोल्युबिलिटी चाचणी, इलेक्ट्रोफोरेसिस व एच.पी.एल.सी. तपासणी, रुग्णांना मोफत औषधे, समुपदेशन, नियमित आरोग्य तपासणी, गरजेनुसार रक्त संक्रमण, टेलिमेडिसीनद्वारे तज्ज्ञांचा सल्ला आदी सुविधा पुरविण्यात येत आहेत.सिकलसेल हा आनुवंशिक आजार असून तो आई-वडिलांकडून अपत्यांमध्ये येतो. त्यामुळे विवाहपूर्व सिकलसेल तपासणी करणे अत्यंत आवश्यक आहे..Public Health Review: मेळघाटच्या दौऱ्यावर तीन खात्यांचे प्रधान सचिव.वाहक-वाहक किंवा वाहक-रुग्ण विवाह टाळल्यास सिकलसेल आजाराचा प्रसार रोखणे शक्य आहे. सिकलसेलग्रस्त मातांनी गर्भधारणेनंतर लवकर गर्भजल तपासणी करून घ्यावी, असेही आरोग्य विभागाने स्पष्ट केले आहे.सिकलसेल रुग्णांना संजय गांधी निराधार योजनेअंतर्गत २,५०० रु. आर्थिक साहाय्य, १० वी आणि १२ वीच्या विद्यार्थ्यांना परीक्षेत अतिरिक्त वेळ, तसेच उपचारासाठी बस प्रवासात सवलत देण्यात येते. .सिकलसेल आजारावर पूर्ण उपचार नसला तरी योग्य औषधोपचार, नियमित तपासणी, समतोल आहार व काळजी घेतल्यास आजार नियंत्रणात ठेवता येतो.राज्यातील जास्तीत जास्त नागरिकांनी जवळच्या शासकीय आरोग्य केंद्रात सिकलसेल तपासणी करून घ्यावी व सार्वजनिक आरोग्य विभागाच्या उपलब्ध सेवांचा लाभ घ्यावा, असे आवाहन करण्यात आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
