Nagpur News: खापरखेडा परिसरात कोल माइन्स, वीज निर्मिती केंद्रे तसेच औद्योगिक वसाहतीमुळे विकासाच्या दिशेने मोठी प्रगती होताना दिसते आहे. मात्र या विकासाच्या सावलीत वर्षानुवर्षे बिना संगम आणि भानेगाव ही दोन गावे पुनर्वसनाच्या प्रतीक्षेत आहेत. या संदर्भात आश्वासने वारंवार दिली जात असली तरी प्रत्यक्षात अद्याप ठोस निर्णय होत नसल्याने ग्रामस्थांमध्ये तीव्र नाराजी निर्माण झाली आहे..ओपनकास्ट खाणींमधील दररोजच्या ब्लास्टिंगमुळे येथील घरांना तडे जात आहेत . भिंतीला तडे गेलेत, घराच्या भिंती हलत असून भांडी खाली पडण्याएवढी धक्क्याची तीव्रता असते. खाणींमुळे पसरत असलेली कोळशाची धूळ गावात पोहोचून हवा आणि ध्वनिप्रदूषण वाढत आहे. त्यामुळे नागरिकांना श्वसनाचे त्रास, दमा, त्वचाविकार यांसारख्या आरोग्य समस्या वाढल्याची तक्रार आढळते. त्यामुळे “पुनर्वसन लवकर व्हावं” ही मागणी अधिक तीव्र झाली आहे..Village Rehabilitation: गावाच पुनर्वसन करा, गोळेगावच्या महिलांनी मांडली व्यथा .पुनर्वसनासाठी भानेगावाकरिता बॅ. शेषराव वानखेडे महाविद्यालयाच्या बाजूला तर बिनासंगमाकरिता रनाळा-दहेगाव परिसरात जागा निश्चित झाल्याची चर्चा आहे. तथापि प्रत्यक्ष कामकाज कधी सुरू होणार, याबाबत ग्रामस्थांना कोणतीही स्पष्ट माहिती नसल्याने त्यांचा विश्वास डळमळीत होऊ लागला आहे..अनेक बैठका, पाठपुरावे, मंत्री व अधिकाऱ्यांची आश्वासने केवळ कागदोपत्री राहिल्याची ग्रामस्थांची नाराजी आहे. गावकऱ्यांचे म्हणणे स्पष्ट आहे, आश्वासने नकोत, ठोस निर्णय हवा! शासन आणि वेकोली प्रशासनाने तातडीने पुढाकार घेऊन गावांचे पुनर्वसन सुरक्षित स्थळी केले पाहिजे..Village Rehabilitation: मसाळा गावातील केवळ २८८ घरांचेच पुनर्वसन शक्य .आमची जमीन घेऊन खाण सुरू झाली, उत्पादन वाढले. पण आमच्यासाठी केले काय0 प्रोसेस चालू आहे, म्हणण्यापलीकडे काही होत नाही. पुनर्वसन तातडीने व्हायला हवे.नितीन मोहिते, अध्यक्ष, भानेगाव बिना पुनर्वसन समिती.वर्षानुवर्षे पाठपुरावे सुरू आहेत. जागा ठरल्याचे सांगितले जाते; पण प्रत्यक्षात पुनर्वसन कधी होणार याबद्दल स्पष्टता नाही.-बंडू भडंग, ग्रामस्थ, बिनासंगम.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
