Jalgaon News: मजूरटंचाई व सततच्या पावसामुळे खानदेशात तणनाशकांचा वापर यंदा २० टक्क्यांनी वाढल्याचे दिसत आहे. कापूस, केळी, ऊस, मका, तूर, उडीद, मूग, सोयाबीन आदी सर्व पिकांत तणनाशकांचा उपयोग झाला आहे..एकट्या जळगाव जिल्ह्यात नऊ लाख लिटर विविध तणनाशकांचा उपयोग होईल, असा अंदाज होता. पण यापेक्षा अधिक प्रमाणात उपयोग झाला आहे. धुळे व नंदुरबारातही सुमारे तीन लाख लीटरपेक्षा अधिक उपयोग झाला आहे. जळगाव जिल्ह्यात यंदा सप्टेंबरअखेर २२ ते २३ लाख लिटर तणनाशकांचा उपयोग झाल्याची माहिती आहे..Mark Plus Pesticide : ‘रॅलिस इंडिया’चे ‘मार्क प्लस’ तणनाशक बाजारात दाखल.यंदा २० ते २५ टक्के वापर अधिक झाला आहे. पेरण्या वेळेत झाल्या, पिके तरारली. पण सततच्या पावसाने आंतरमशागतीसाठी वाफसा नव्हता. मजूरटंचाई सुरुवातीपासून आहे. मजुरी दर अधिक असल्याने परवडत नाहीत. ट्रॅक्टर, बैलजोडीने कापूस, केळी, सोयाबीन व अन्य तृणधान्य, कडधान्य पिकांत आंतरमशागत करण्यासाठी वाफसा नसल्याने तण वाढत गेले व तणनाशकांचा उपयोगही वाढला..बाजारात विविध कंपन्यांचे तणनाशक विक्रीसाठी आहेत. कापूस, सोयाबीन, उडीद, मूग, तूर, मका, केळी , ऊस या पिकांसाठी स्वतंत्र तणनाशके बाजारात आहेत. अजूनही केळी पिकात तणनाशकांचा उपयोग सुरू आहे..Onion Farming Crisis: तणनाशक फवारणीचा फटका! दोनशे एकरांवरील कांदा लागवड धोक्यात.जळगाव जिल्ह्यात कापूस, सोयाबीन व मका पिकांत तणनाशकांचा सर्वाधिक उपयोग झाला आहे. कापसाची लागवड साडेचार लाख हेक्टरपेक्षा अधिक आहे. मका लागवड एक लाख हेक्टरवर होती. तर सोयाबीनची पेरणीदेखील जळगावात २५ हजार हेक्टरवर झाली होती. या पिकांत तणनाशके अधिकची वापरण्यात आली..एमआरपीएवढे विक्री दरतणनाशकांची मागणी वाढल्याचे लक्षात घेऊन त्यांची विक्री एमआरपीएवढ्या दरात सुरू होती. मध्यंतरी एमआरपीपेक्षा १०० ते २०० रुपये कमी दर काही तणनाशकांच्या विक्रीसंबंधी होते. परंतु मागणी अधिक व पुरवठा कमी, नफेखोरी यातून एमआरपीनुसार त्यांची विक्री झाली. यामुळे शेतकऱ्यांचा उत्पादन खर्च वाढला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
