Pune News: साखर कारखान्यांकडील सरकारी निधीचा पेच अखेर साखर आयुक्तालयाने सोडविला आहे. निधी भरणा दोन टप्प्यांत करण्यास मान्यता मिळाल्याने गाळप परवाना वाटप आता वेगात सुरू झाले आहे..गाळप हंगाम (२०२५-२६) एक नोव्हेंबरपासून सुरू झाले आहे. मात्र, बहुतेक साखर कारखान्यांची परवाना प्रक्रिया रखडली होती. कारण परवाना हवा असल्यास अर्ज करतानाच विविध सरकारी निधीचा भरणा करण्याचे बंधन शासनाने घातले होते. निधी घेताना मागील गाळप हंगामाचे आकडे ग्राह्य धरण्यात आले आहेत..Sugarcane Price: साखर कारखान्यांच्या नफ्यात शेतकऱ्यांचा मोठा वाटा, काय आहे उसाचा रेव्हेन्यू शेअरिंग फॉर्म्युला?.मात्र, आर्थिक अडचणींचे कारण देत वेस्ट इंडियन शुगर मिल्स् असोसिएशन (विस्मा) व महाराष्ट्र राज्य सहकारी साखर कारखाने संघाने निधीचा भरणा एकरकमी करण्यास असमर्थता दर्शविली. निधी दोन टप्प्यांत घेण्याची मागणी राज्य शासनाकडे केली होती..या गोंधळामुळे कारखान्यांचे गाळप परवाना वाटपदेखील रखडले होते. परंतु, उपमुख्यमंत्री अजित पवार, विस्माचे अध्यक्ष बी.बी.ठोंबरे तसेच साखर आयुक्त डॉ. संजय कोलते यांनी समन्वयातून यावर तोडगा काढला आहे. साखर आयुक्तालयाने आता प्रतिटन दहा रुपये आकारला जाणारा ‘मुख्यमंत्री सहायता निधी’ एकरकमी न घेण्याचे ठरविले आहे..Sugarcane Harvest: दौंड तालुक्यात पावसामुळे ऊस तोडणी रखडली.त्याऐवजी अर्ज करताना आधी पाच रुपये आणि उर्वरित रक्कम ३१ मार्च २०२६ पूर्वी भरता येईल. लोकनेते गोपीनाथ मुंडे ऊसतोड कामगार कल्याण महामंडळाचा निधी यंदा प्रतिटन दहा रुपये भरावा लागणार आहे. परंतु, अर्ज करताना कारखान्याने आधी केवळ तीन रुपये भरावेत आणि उर्वरित रक्कम ३१ मार्च २०२६ पूर्वी द्यावी, असे आयुक्तालयाने सुचविले आहे..‘‘प्रतिटन पाच रुपयांचा पूरग्रस्त निधी मात्र गाळप परवान्याचा अर्ज करतानाच घेतला जात आहे. तसेच, साखर संकुल देखभाल व दुरुस्ती निधी म्हणून प्रतिटन ५० पैसेदेखील अर्जासोबत घेतले जात आहेत. मुख्यमंत्री सहायता निधी व ऊसतोड महामंडळाचा निधी दोन टप्प्यात देताना साखर कारखान्यांकडून हमीपत्र घेतले जात आहे,’’ असे आयुक्तालयाच्या सूत्रांचे म्हणणे आहे..‘परवाना वाटपात पारदर्शकता’साखर आयुक्तालयाने सरकारी निधी भरणा निधीचा पेच सोडविल्यामुळे पहिल्या टप्प्यात ८८ साखर कारखान्यांना गाळप परवाना मिळाला आहे. यंदा राज्यातील ४० सहकारी व ४८ खासगी साखर कारखान्यांनी परवान्यांसाठी अर्ज केला आहे. यासाठी ऑनलाइन प्रणाली वापरली जात असल्यामुळे परवाना वाटपात पारदर्शकता आल्याचा दावा सहकार विभागाने केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
